نئی دہلی

فلم ساز رام گوپال ورما نے کہا ہے کہ اداکارہ انڈے ناواریتے کی اداکاری والی ہارر فلم آبسیشن کا ایک منظر انہیں اپنی ہدایت کاری میں بننے والی فلم کون میں ارمیلا ماتونڈکر کی اداکاری کی یاد دلاتا ہے۔ورما نے اتوار کو اپنے ایکس اکاؤنٹ پر ایک ویڈیو شیئر کی، جس کی شروعات فلم کون کے ایک منظر سے ہوتی ہے، جبکہ اس کے بعد امریکی فلم آبسیشن کا ایک منظر دکھایا گیا ہے۔

انہوں نے ویڈیو کے کیپشن میں لکھا  کہ آبسیشن دیکھنے کے بعد مجھے کون میں ارمیلا کا یہ منظر یاد آ گیا۔

فلم آبسیشن کی ہدایت کاری کاری بارکر نے کی ہے۔ اس میں مائیکل جانسٹن نے بیئر بیلی جبکہ انڈے ناواریتے نے نکی فری مین کا کردار ادا کیا ہے۔29 مئی کو ریلیز ہونے والی اس فلم نے عالمی باکس آفس پر 20 کروڑ ڈالر سے زائد کا کاروبار کیا ہے۔رام گوپال ورما کی فلم کون 1999 میں ریلیز ہوئی تھی۔ اس کی کہانی ارمیلا ماتونڈکر کے کردار کے گرد گھومتی ہے، جو ایک طوفانی رات میں گھر میں اکیلی پھنسی ہوتی ہے اور ٹیلی ویژن پر ایک خطرناک سیریل کلر کے بارے میں خبر دیکھتی ہے۔

اس فلم میں منوج باجپائی اور سشانت سنگھ نے بھی اہم کردار ادا کیے تھے۔