نئی دہلی

فلم دھورندھر 2 کی کمائی رکنے کا نام نہیں لے رہی، بالکل پہلی فلم دھورندھر کی طرح۔ جہاں فلم نے ہندوستان میں 1100 کروڑ کا ہندسہ پار کر لیا ہے، وہیں عالمی سطح پر اس کی کمائی 1800 کروڑ کے قریب پہنچ چکی ہے۔ اس کے ساتھ ہی فلم کی کاسٹ کو نئی فلموں کی بھرمار آفرز بھی مل رہی ہیں۔ تاہم، رپورٹ کے مطابق، شاندار اداکاری کی وجہ سے اداکار راکیش بیدی کو 1 کروڑ روپے کا بونس دیا گیا ہے، لیکن اب انہوں نے ان خبروں پر ردعمل دیا ہے۔

دھورندھر 2 میں راکیش بیدی کی دھاک

ہدایتکار آدتیہ دھر کی فلموں دھورندھر (2025) اور دھورندھر 2 (2026) میں "جمیل جمالی" کا کردار راکیش بیدی نے ادا کیا ہے۔ رپورٹ کے مطابق، انہوں نے اس کردار میں شاندار اداکاری کرتے ہوئے ناظرین کے دل جیت لیے، اور ان کے ڈائیلاگز سوشل میڈیا پر میمز کی شکل میں وائرل ہو گئے۔ سیکوئل میں ان کے کردار کا اثر اور بھی بڑھ گیا، جس کے بعد پروڈیوسرز نے ان کی محنت کو سراہتے ہوئے اضافی رقم دینے کا فیصلہ کیا۔

راکیش بیدی نے حقیقت بتائی:

راکیش بیدی نے ایک ویڈیو میں مزاحیہ انداز میں کہا کہ چائے ود راکیش بیدی میں آپ کا استقبال ہے۔ آج کل انٹرنیٹ پر ایک ویڈیو بہت وائرل ہو رہی ہے۔ لوگ مجھے بھیج رہے ہیں کہ مجھے دھورندھر کے بعد پروڈکشن ہاؤس سے 1 کروڑ روپے ملے ہیں۔ تو بھائی وہ کہاں ہیں؟ کس کے گھر میں رکھے ہیں؟ کس کی جیب میں ہیں؟ مجھے بھی بتا دو! کیونکہ میرے اکاؤنٹ میں تو ابھی تک نہیں آئے۔ اگر آ گئے تو میں بتا دوں گا… یا شاید نہ بھی بتاؤں، لیکن فی الحال تو نہیں ملے!۔

فیس اور بونس کی حقیقت

 پورٹ  کے مطابق، راکیش بیدی کو دھورندھر اور اس کے سیکوئل کے لیے 50 لاکھ روپے فیس دی گئی تھی۔ جبکہ فلم کی کامیابی کے بعد ہدایتکار آدتیہ دھر اور ان کے بھائی و پارٹنر لوکیش دھر نے انہیں 1 کروڑ روپے کا چیک دیا، یعنی ان کی فیس کا تقریباً دگنا۔

دھورندھر 2 کی کمائی

 دھورندھر اور دھورندھر 2 کو تقریباً 250 سے 255 کروڑ کے بجٹ میں بنایا گیا تھا۔ فلم کی عالمی کمائی 1812.08 کروڑ تک پہنچ چکی ہے، جبکہ ہندوستان میں یہ اعداد و شمار 1182 کروڑ تک پہنچ گئے ہیں۔ اس سے قبل دھورندھر نے 1350.83 کروڑ کا بزنس کیا تھا۔