ممبئی/ آواز دی وائس
ابھی میٹ گالا کا جادو ختم بھی نہیں ہوا تھا کہ اب کانز فلم فیسٹیول 2025 شروع ہونے جا رہا ہے، جہاں بین الاقوامی اسٹیج پر ہندوستانی ستارے جلوے بکھیرنے کو تیار ہیں۔ اس فیسٹیول کے 78ویں ایڈیشن میں ایشوریا رائے سمیت کئی نئے چہرے بھی بالی ووڈ کی نمائندگی کریں گے۔
ہر بار کی طرح اس بار بھی ایشوریا رائے بچن، جنہیں “کوئن آف کانز” کہا جاتا ہے، کے ریڈ کارپٹ پر نظر آنے کی امید ہے۔ ایشوریا نے 2002 میں فلم ’دیوداس‘ کے ساتھ کانز میں قدم رکھا تھا اور تب سے وہ ہر سال اپنے منفرد انداز سے کانز کے ریڈ کارپٹ پر سب کی توجہ کا مرکز بنتی رہی ہیں۔
عالیہ بھٹ نے بھی گزشتہ سال کانز فلم فیسٹیول میں ڈیبیو کیا تھا، اور ان کے لک کی خوب چرچا ہوئی تھی۔ وہ بھارتی ثقافت کو عالمی سطح پر پیش کرتی نظر آئیں۔ حال ہی میں عالیہ نے میٹ گالا 2025 میں بھی اپنے اسٹائل سے خوب سرخیاں بٹوریں۔
جہانوی کپور کا کانز میں پہلا قدم
جہانوی کپور اور ایشان کھٹر بھی اس بار کانز میں ریڈ کارپٹ پر اپنی شروعات کرنے جا رہے ہیں۔ ان کی آنے والی فلم ’ہوم باؤنڈ‘ کا عالمی پریمیئر کانز میں ہونے والا ہے۔ اگرچہ ان کی موجودگی کی سرکاری تصدیق ابھی باقی ہے، مگر فلم کو لے کر پیدا ہونے والے جوش و خروش نے مداحوں اور فلمی شائقین میں کافی دلچسپی پیدا کر دی ہے۔
کیارا ایڈوانی بھی ہو سکتی ہیں شامل
کیارا ایڈوانی، جو ان دنوں حاملہ ہیں، نے حال ہی میں میٹ گالا میں اپنا ڈیبیو کیا تھا۔ اب قیاس ہے کہ وہ کانز کے ریڈ کارپٹ پر بھی جلوہ گر ہونے والی ہیں۔ 2024 میں وہ اس فیسٹیول کے دوران منعقدہ ریڈ سی فلم فاؤنڈیشن کے 'ویمن ان سنیما گالا' میں شریک ہوئی تھیں۔
پائل کپادیا بنیں گی جیوری ممبر
معروف فلم ساز پائل کپادیا نے ایک بار پھر تاریخ رقم کی ہے۔ کانز 2024 میں ان کی فلم ’آل وی امیجن ایز لائٹ‘ نے گرینڈ پری جیتا، جو یہ اعزاز حاصل کرنے والی پہلی بھارتی فلم بنی۔ اب وہ کانز 2025 کی مرکزی جیوری کا حصہ ہیں۔
شرمیلا ٹیگور بھی ہوں گی شامل
شرمیلا ٹیگور، ستیاجیت رے کی 1970 کی کلاسک فلم (جنگل میں دن اور رات) کے ریسٹورڈ ورژن کی اسکریننگ میں شامل ہوں گی، جو کانز کلاسکس سیکشن میں دکھائی جائے گی۔ ٹیگور اس سے پہلے 2009 میں کانز کی جیوری ممبر رہ چکی ہیں اور اس سال بطور مہمان واپس آ رہی ہیں۔
کب اور کہاں ہوگا کانز فلم فیسٹیول؟
بتا دیں کہ کانز فلم فیسٹیول 2025 کا افتتاحی پروگرام 13 مئی یعنی آج سے شروع ہو رہا ہے۔ یہ فیسٹیول 13 مئی سے 24 مئی تک فرانس میں منعقد ہوگا، جو فرانس کے شہر کانز میں واقع ایک مشہور کنونشن سینٹر ہے۔
