ممبئی/ آواز دی وائس
شاہ رُخ خان کے بیٹے آریان خان ان دنوں بطور ڈائریکٹر بالی ووڈ میں ڈیبیو کو لے کر سرخیوں میں ہیں۔ وہ اپنی آنے والی سیریز "دی بیڈز آف بالی ووڈ" کے ساتھ ڈیبیو کرنے جا رہے ہیں۔ گزشتہ دن ہی اس شو کا پری ویو ہوا، وہیں اس کی ریلیز ڈیٹ کا بھی اعلان کر دیا گیا اور اس میں نظر آنے والے سیلیبرٹیز کو بھی میڈیا کے سامنے متعارف کرایا گیا۔ لیکن اگر آپ اس شو کو دیکھنے کا ارادہ بنا رہے ہیں اور آریان کے کام کو دیکھنا چاہتے ہیں تو آئیے جانتے ہیں کہ آپ اسے کب اور کہاں دیکھ سکیں گے اور اس میں کون کون شامل ہے۔
دی بیڈز آف بالی ووڈ" کی ریلیز
یہ سیریز 18 ستمبر 2025 کو او ٹی ٹی پلیٹ فارم پر ریلیز کی جائے گی اور اسے آپ نیٹ فلکس پر دیکھ سکیں گے۔ اس شو کا پروڈکشن ریڈ چلیز انٹرٹینمنٹ کے بینر تلے کیا گیا ہے اور گوری خان نے اسے پروڈیوس کیا ہے۔ کو-کریئیٹرز کے طور پر بلال صدیقی اور مانو چوہان بھی اس پروجیکٹ سے جڑے ہیں۔
۔7 سیلیبز کریں گے کیميو مکمل اسٹار کاسٹ
اس سیریز کی اسٹار کاسٹ میں 7 بڑے سیلیبرٹیز کیمیو کریں گے۔ مین کریکٹرز میں لکشے للوانی اور سحر بامبا لیڈ رول میں ہیں، جہاں سحر لکشے کی لو انٹرسٹ کا کردار ادا کر رہی ہیں۔ وہیں، سیریز میں بوبی دیول بھی ہیں جو سپر اسٹار اجے تلوار کا کردار نبھا رہے ہیں۔ اس کے علاوہ راگھو جویال، مونا سنگھ، منوج پاہوا، منیش چودھری، انیا سنگھ، گوتمی کپور اور راجت بیدی جیسے اداکار بھی اہم کرداروں میں نظر آئیں گے۔
کیمیو کی بات کریں تو بتایا جا رہا ہے کہ اس میں سلمان خان، رنویر سنگھ، رنبیر کپور، سارہ علی خان، ابراہیم علی خان اور کرن جوہر شامل ہوں گے۔ سب سے بڑا سرپرائز یہ ہے کہ شاہ رُخ خان بھی اس سیریز میں ہوں گے اور وہ فائنالے ایپی سوڈ میں نظر آئیں گے۔
کہانی کیا ہے؟
دی بیڈز آف بالی ووڈ" کی کہانی ایک ڈراما سیریز ہے جس میں ایک آؤٹسائیڈر اور اس کے دوستوں کے سفر کو دکھایا گیا ہے۔ یہ کہانی ایسے آؤٹسائیڈر کی ہے جو بالی ووڈ کی چمک دمک، سیاست اور جدوجہد کے بیچ اپنی شناخت بنانے کی کوشش کرتا ہے۔ کہانی کافی دلچسپ ہونے والی ہے، اب دیکھنا یہ ہے کہ ریلیز کے بعد لوگ آریان خان کے کام کی کتنی تعریف کرتے ہیں اور یہ سیریز کتنی پسند کی جاتی ہے۔
