نئی دہلی، :جامعہ ملیہ اسلامیہ کے ذاکر حسین میموریل ویلفیئر سوسائٹی کے تحت کام کرنے والے چلڈرن گائیڈنس سینٹر نے شاردا یونیورسٹی کے بی۔اے۔ بی۔ایڈ۔ اور بی۔ایس۔سی۔ بی۔ایڈ۔ کے طلبہ کے وفد کو گرمجوشی سے خوش آمدید کہا، جن کے ساتھ ایسوسی ایٹ پروفیسروں ڈاکٹر رنگل شرما اور ڈاکٹر سرتا ورما بھی موجود تھیں۔

اس دورے کے دوران وفد نے سینٹر کی خصوصی سہولیات کا معائنہ کیا، جن میں کلاس روم یونٹس، آکپیشنل تھراپی روم، اسپیچ تھراپی روم اور نیورو ڈائیورسٹی لیب شامل تھیں۔ اس تجربے سے طلبہ کو شمولیتی تعلیم، علاجی مداخلت اور خصوصی ضروریات والے بچوں کو فراہم کی جانے والی جامع معاونت کے بارے میں عملی بصیرت حاصل ہوئی۔

پروجیکٹ ڈائریکٹر جناب نسیم احمد نے وفد کا خیرمقدم کیا اور سینٹر کی تاریخ، کامیابیوں اور جامع معاونتی خدمات—خصوصی تعلیم سے لے کر علاجی دیکھ بھال تک—کا جائزہ پیش کیا۔ انہوں نے طلبہ کو معذوری والے بچوں کے لیے انفرادی تعلیمی منصوبوں(IEPs) کی تیاری، داخلہ کے عمل، اورUDID کارڈ رجسٹریشن اور خصوصی ضروریات والے بچوں کے لیے پنشن اسکیمز کی سہولت کے بارے میں بریف کیا۔

اس پروگرام کو مزید مفید بنایا جامعہ ملیہ اسلامیہ کے اسسٹنٹ پروفیسروں ڈاکٹر سوربھ رائے اور طاصف عالم نے، جنہوں نے خصوصی تعلیم پر اپنے علمی نقطۂ نظر کا اشتراک کیا اور شعبہ جاتی تعاون کی اہمیت کو اجاگر کیا۔

یہ دورہ تعلیمی سیکھنے اور عملی میدان میں تربیت کے درمیان ایک اہم پل کا کردار ادا کرتا ہے اور آنے والے طلبہ اور فیکلٹی ممبران پر گہرا اثر چھوڑتا ہے۔

چلڈرن گائیڈنس سینٹر وائس چانسلر پروفیسر آصف مظہر، رجسٹرار پروفیسر مہتاب عالم رضوی، اور ذاکر حسین میموریل ویلفیئر سوسائٹی کی جنرل سیکرٹری پروفیسر سارا بیگم کی رہنمائی میں ترقی کرتا رہا ہے، جن کے وژن اور تعاون نے سینٹر کے مشن کو آگے بڑھانے میں اہم کردار ادا کیا ہے۔