نیو جرسی : حجاب ایک بار پھر سرخیوں میں ہے۔ نیا تنازعہ امریکہ میں ہوا ہے۔ امریکا کی ریاست نیوجرسی میں 7 برس کی بچی کا نقاب اسکول ٹیچر نے زبردستی اتار دیا۔ امریکی اولمپک فینسر ابتہاج محمد نے بوئڈن ایلیمنٹری اسکول کی ٹیچر ٹمر ہرمن پر دوسری جماعت کی طالبہ کا بھری کلاس میں حجاب زبردستی ہٹانے کا الزام لگایا ہے۔
وہ اولمپک کھیلوں میں حجاب پہننے والی پہلی امریکی مسلمان خاتون بنی تھیں جب ریو 2016 اولمپکس میں برونز کا تمغہ جیتا تھا۔
ریو میں برونز کا تمغہ جیتنے والی اسٹار نے سوشل میڈیا پر لکھا کہ اس تجربے کی وجہ سے اس کی رسوائی ہوئی ہے اور صدمہ ہوا ہے۔
ہرمن کے وکیل نے کہا کہ اس نے کچھ غلط نہیں کیا اور اس کے سابق شوہر نے دعویٰ کیا کہ ہر من اور ابتہاج محمد دراصل دوست تھیں ۔۔ساؤتھ اورنج میپل ووڈ اسکول ڈسٹرکٹ اس واقعے کی تحقیقات کر رہا ہے کیونکہ مسلم امریکی رہنما اساتذہ کی برطرفی کا مطالبہ کر رہے ہیں۔
کونسل آن امریکن اسلامک ریلیشنز کا کہنا ہے کہ ٹیچر نے کمسن بچی پر حملہ اور ہراساں کیا۔ سمیہ کے فیملی وکیل کا کہنا ہے کہ روز مرہ کی طرح سمیہ نقاب کر کے اسکول گئی لیکن اس دن اسکول ٹیچر نے اس کو نقاب اتارنے کہا، بچی کے منہ کرنے پر ٹیچر نے زبردستی اس کا نقاب اتار دیا۔
— Follow @JodyField (@JodyField) October 8, 2021