نئی دہلی : جامعہ ملیہ اسلامیہ نے جموں و کشمیر کے طلبہ کے لیے 10 اور 11 مئی 2025 کو ہونے والے داخلہ ٹیسٹس کی نئی تاریخوں کا اعلان کیا۔جامعہ ملیہ اسلامیہ میں تعلیمی سال 2025-26 کے داخلہ ٹیسٹس کا آغاز 26 اپریل 2025 سے ہو چکا ہے اور یہ ٹیسٹس 31 مئی 2025تک مکمل کیے جائیں گے۔

کچھ پروگرامز کے داخلہ ٹیسٹس 10 اور 11 مئی 2025 کو مقرر ہیں۔

موجودہ حالات کو مدنظر رکھتے ہوئے اور طلبہ کی فلاح و بہبود کو پیشِ نظر رکھتے ہوئے، جامعہ ملیہ اسلامیہ نے فیصلہ کیا ہے کہ جموں و کشمیر کے طلبہ کے لیے داخلہ ٹیسٹس علیحدہ طور پر منعقد کیے جائیں گے۔ یہ اقدام اُن طلبہ کو موقع فراہم کرنے کے لیے کیا جا رہا ہے جنہوں نے درخواست تو دی ہے، مگر موجودہ صورتحال کے باعث 10 اور 11 مئی کو طے شدہ داخلہ ٹیسٹس میں شرکت نہیں کر سکیں گے۔

تاہم، باقی تمام طلبہ کے لیے داخلہ ٹیسٹس مقررہ تاریخوں اور اوقات (10-11 مئی 2025) پر ہی منعقد ہوں گے۔