نئی دہلی:جامعہ ہمدرد نے نیشنل ڈوپ ٹیسٹنگ لیبارٹری این ڈی ٹی ایل نئی دہلی کے ساتھ مفاہمتی یادداشت پر دستخط کیے ہیں تاکہ ڈوپنگ سائنس جیسے خصوصی اور ابھرتے ہوئے شعبے میں مشترکہ تحقیق تربیت اور انسانی وسائل کی ترقی کو فروغ دیا جا سکے۔ اس مفاہمتی یادداشت کا مقصد اینٹی ڈوپنگ تحقیق ریفرنس میٹریل کی تیاری جدید تجزیاتی طریقوں جین ڈوپنگ کی شناخت کے طریقہ کار اور قومی و عالمی ضروریات کو پورا کرنے کے لیے صلاحیت سازی جیسے شعبوں میں تعلیمی اور سائنسی تعاون کو مضبوط بنانا ہے۔

دستخطی تقریب کی میزبانی ڈاکٹر پی ایل ساہو ڈائریکٹر نیشنل ڈوپ ٹیسٹنگ لیبارٹری نے لیبارٹری کے افسران اور سائنسی عملے کے ساتھ کی۔ جامعہ ہمدرد کے وفد کی قیادت کی گئی۔سرفراز احسن قائم مقام رجسٹرار اور ڈاکٹر محمد احمد خان اسسٹنٹ پروفیسر ایس پی ای آر جامعہ ہمدرد بھی موجود تھے۔

دستخطی تقریب کے بعد جامعہ ہمدرد کے وفد نے این ڈی ٹی ایل کی سہولیات کا دورہ کیا جہاں انہیں لیبارٹری کے جدید تجزیاتی انفراسٹرکچر اور صاف اور منصفانہ کھیلوں کے فروغ میں اس کے اہم کردار کے بارے میں بریفنگ دی گئی۔ این ڈی ٹی ایل نئی دہلی دنیا کی 30 عالمی ڈوپ ٹیسٹنگ لیبارٹریوں میں شامل ہے۔ یہ ہندستان کا ممتاز اینٹی ڈوپنگ ٹیسٹنگ اور ریسرچ ادارہ ہے اور کھیلوں میں منشیات کی جانچ تجزیاتی سائنس ٹاکسیکولوجی اور متعلقہ شعبوں میں ملک کی سائنسی صلاحیتوں کو مضبوط بنانے میں اہم کردار ادا کرتا ہے۔

اس موقع پر ڈاکٹر پی ایل ساہو نے کہا کہ یہ مفاہمتی یادداشت طلبہ اور نوجوان محققین کے لیے اینٹی ڈوپنگ سائنس جیسے انتہائی خصوصی شعبے میں منظم تربیت مہارت کی ترقی اور سائنسی تجربے کے نئے مواقع فراہم کرے گی۔ این ڈی ٹی ایل صلاحیت سازی اور انسانی وسائل کی ترقی میں تعاون فراہم کرنے پر خوش ہوگا تاکہ تربیت یافتہ سائنس گریجویٹس محققین اور پیشہ ور افراد کھیلوں میں منشیات کی جانچ تجزیاتی تحقیق اور ڈوپنگ کنٹرول کے قومی اور بین الاقوامی تقاضوں میں اپنا کردار ادا کرسکیں۔

پروفیسر ایم افشار عالم نے کہا کہ جامعہ ہمدرد کو فارماسیوٹیکل سائنسز بایومیڈیکل سائنسز ٹاکسیکولوجی فارماکولوجی اور متعلقہ شعبوں میں مضبوط تعلیمی اور تحقیقی بنیاد حاصل ہے۔ اس اشتراک کے ذریعے جامعہ ہمدرد ڈوپنگ سائنس میں اختراعی کاموں کی حمایت کے لیے اپنے تحقیقی انفراسٹرکچر تعلیمی مہارت اور تکنیکی معلومات تک رسائی فراہم کرے گا۔ یہ مفاہمتی یادداشت ریفرنس میٹریل کی تیاری جین ڈوپنگ طریقوں اور جدید تجزیاتی تکنیکوں جیسے شعبوں میں مشترکہ تحقیق کی حوصلہ افزائی کرے گی اور ساتھ ہی تربیت یافتہ انسانی وسائل کی تیاری میں بھی معاون ثابت ہوگی۔

اس اشتراک سے مشترکہ تحقیقی منصوبوں سائنسی اور تکنیکی مہارت کے تبادلے طلبہ اور محققین کے تربیتی پروگراموں خصوصی طریقہ کار کی تیاری اور تعلیمی و سائنسی سرگرمیوں کے انعقاد میں مدد ملنے کی توقع ہے۔ دونوں اداروں نے اس بات پر اعتماد ظاہر کیا کہ یہ شراکت داری ہندستان میں اینٹی ڈوپنگ سائنس کی صلاحیتوں کو مضبوط بنانے میں اہم کردار ادا کرے گی اور ایسے تربیت یافتہ افراد کی تیاری میں مددگار ثابت ہوگی جو صاف ستھرے کھلاڑیوں کے تحفظ اور کھیلوں میں دیانت داری کے فروغ کے لیے پُرعزم ہوں گے۔