آواز دی وائس، نئی دہلی
دہلی حکومت نے کورونا کے بڑھتے ہوئے کیسوں کے پیش نظر نرسری میں داخلے کی مدت دو ہفتے تک بڑھا دی ہے دہلی کے وزیر تعلیم منیش سسودیا نے جمعرات کو ٹویٹ کرکے یہ اطلاع دی ہے۔
انہوں نے کہا کہ کووڈ کے موجودہ حالات کے پیش نظر دہلی کے پرائیویٹ اسکولوں میں نرسری/ داخلہ سطح کی کلاسوں میں داخلے کے لیے درخواست دینے کی آخری تاریخ میں دو ہفتے کی توسیع کی جا رہی ہے۔ قومی راجدھانی میں پرائیویٹ اسکولوں میں نرسری کلاسز میں داخلے کا عمل 15 دسمبر2021 سے شروع ہوا تھا اور درخواستوں کی آخری تاریخ 7 جنوری 2022ہے۔
وزیر صحت ستیندر جین نے کہا ہے کہ دہلی میں کورونا کی تیسری لہر آچکی ہے۔ انہوں نے کہا کہ یہ ملک کے لئے تیسری لہر ہے لیکن دہلی کے لئے یہ پانچویں لہر ہوگی۔ بدھ کو دہلی میں کورونا کے 10 ہزار چھ سو 65 معاملے سامنے آئے ہیں۔
انفیکشن کی شرح 11.88 فیصد تک پہنچ گئی ہے۔
Keeping in view the prevailing Covid conditions, the last date for filing applications for admission in nursery/ entry level classes in Private schools of Delhi is being extended for further two weeks.
— Manish Sisodia (@msisodia) January 6, 2022