علی گڑھ:علی گڑھ مسلم یونیورسٹی (اے ایم یو) کو ہندوستان کی سرکاری یونیورسٹیوں میں چوتھا درجہ دیا گیا ہے۔ حال ہی میں انڈیاٹوڈے میگزین نے2021 کی معروف یونیورسٹیوں کی رینکنگ جاری کی ہے۔

یہ جانکاری پبلک ریلیشن آفس اے ایم یونے دی ہے۔اے ایم یوکو گزشتہ تین سالوں کے دوران پی جی کورسز کی سب سے زیادہ تعداد متعارف کرانے کے لیے ملک کی یونیورسٹیوں میں دوسرا رینک دیاگیا ہے جب کہ تین برسوں میں سب سے زیادہ پیٹنٹ کرانے کے معاملے میں اے ایم یو تیسرا درجہ ملا ہے۔

اے ایم یو کے وائس چانسلر پروفیسر طارق منصور نے سٹاف ممبران اور طلبہ کو مبارکباد دیتے ہوئے کہا کہ اے ایم یو نے ایک بار پھر دکھایا ہے کہ اس کے فیکلٹی ممبران اور طلباء اجتماعی طور پر اپنے تعلیمی اور تحقیقی معیار کو بلند کرنے کے لیے کام کر رہے ہیں۔

واضح ہوکہ وبائی مرض کورونا نے انسانی زندگی کے ہر پہلو کو چھو لیا ہے اور اس کے اعلیٰ تعلیم پر منفی اثرات عالمی سطح پر محسوس کیے جا رہے ہیں۔

تاہم ، علی گڑھ مسلم یونیورسٹی (اے ایم یو) نے اپنی کارکردگی کا مظاہرہ کیا ہے اور بڑے پیمانے پر معاشرے اور ملک میں درس و تدریس ، تحقیق اور شراکت کے تسلسل کو یقینی بنانے میں کامیاب رہا ہے۔ پروفیسر محمد نوید خان (ممبر ، کمیٹی برائے درجہ بندی) نے کہا ، "اے ایم یو برادری اس کامیابی پر مبارکباد کی مستحق ہے۔

اے ایم یو مسلسل تعلیم وترقی میں حصہ داری دکھارہی ہے۔اس نے ایک بار پھر ثابت کیا ہے کہ یہ ملک کی بہترین یونیورسٹیوں میں سے ایک ہے"۔

#𝐀𝐌𝐔_𝐑𝐚𝐧𝐤𝐞𝐝_𝟒𝐭𝐡 𝐚𝐦𝐨𝐧𝐠 𝐆𝐨𝐯𝐞𝐫𝐧𝐦𝐞𝐧𝐭 𝐔𝐧𝐢𝐯𝐞𝐫𝐬𝐢𝐭𝐢𝐞𝐬 (𝐆𝐞𝐧𝐞𝐫𝐚𝐥) 𝐢𝐧 𝐈𝐧𝐝𝐢𝐚 𝐢𝐧 𝐭𝐡𝐞 #𝐑𝐞𝐜𝐞𝐧𝐭_𝐑𝐚𝐧𝐤𝐢𝐧𝐠𝐬_𝟐𝟎𝟐𝟏 𝐛𝐲 #𝐈𝐧𝐝𝐢𝐚𝐓𝐨𝐝𝐚𝐲_𝐌𝐚𝐠𝐚𝐳𝐢𝐧𝐞 @PIBHRD @dpradhanbjp @ProfTariqManso1 @EduMinOfIndia @PMOIndia pic.twitter.com/WWd2zeDlJ2

— Aligarh Muslim University (@AMUofficialPRO) August 4, 2021