حیدرآباد، 28 اگست(پریس نوٹ) مرکز برائے فاصلاتی و آن لائن تعلیم ، مولانا آزاد نیشنل اردو یونیورسٹی میں فاصلاتی و آن لائن کورسز میں داخلے جاری ہیں۔ انٹرنس ٹسٹ پر مبنی کورسز ایم بی اے و بی ایڈ کے لیے درخواستیں داخل کرنے کی توسیع شدہ آخری تاریخ میں 17 ستمبر 2025 ہے۔ جبکہ دیگر کورسز کے لیے درخواستیں داخل کرنے کی آخری تاریخ 3 اکتوبر ہے۔

پروفیسرمحمد رضا اللہ خان، ڈائرکٹر مرکز کے بموجب ایم بی اے اور بی ایڈ کا انٹرنس 28 ستمبر کو منعقد ہوگا۔ تمام کورسز کے لیے 15 اکتوبر کو فیس جمع کرانی ہوگی۔

تعلیمی سیشن 2025-26کے لیے فاصلاتی طریقہ تعلیم کے پروگراموں کا پراسپکٹس manuu.edu.in/dde پر ملاحظہ کیا جاسکتا ہے اور https://manuuadmission.samarth.edu.in پر آن لائن رجسٹریشن کیا جاسکتا ہے۔

میرٹ پر مبنی فاصلاتی کورسز میں بی اے (آنرس )، بی ایس سی (آنرس ) اور بی کام (آنرس ) کے علاوہ ایم اے(اردو، ہندی، انگریزی، عربی، تاریخ، اسلامک اسٹڈیز)؛ ڈپلوما ان ( جرنلزم اینڈ ماس کمیونکیشن، ٹیچ انگلش، ابتدائی بچپن کی نگہداشت و تعلیم ، اسکول کی قیادت و انتظام اور ایمپلائبلٹی اسکلس، اردو)؛ سرٹی فیکیٹ کورس (فنکشنل انگلش اور اہلیت اردو بذریعہ انگریزی ) شامل ہیں۔

داخلہ کے خواہشمند امیدوار مزید تفصیلات کے لیے طلبہ رہبری یونٹ ہیلپ لائن 040-23008463 اور 040-23120600 (2208 & 2207) پر رابطہ کر سکتے ہیں۔ ان کے علاوہ مزید معلومات نئی دہلی،کولکتہ ،بنگلور، ممبئی ،پٹنہ، دربھنگہ، سری نگر ،رانچی، امراوتی، حیدرآباد، جموں ، نوح، وارانسی اور لکھنو میں واقع یونیورسٹی کے ریجنل/سب ریجنل سنٹرس سے بھی رابطہ کیا جاسکتا ہے۔