مکہ: سعودی عرب کی وزارت حج وعمرہ نے ایک نئی سروس کا اضافہ کیا ہے جس کے تحت بیرون سعودی عرب سے آنے والے زائرین کو مسجد حرام اور مسجد نبویﷺ میں عمرہ اور نماز ادائیگی کے لیے ایپس کے ذریعے اجازت نامہ جاری کرنے کا فیصلہ کیا گیا ہے۔

ایک بیان میں، وزارت حج نے بتایا کہ یہ سروس "قدوم" پلیٹ فارم پر رجسٹر ہونے اور مملکت میں پہنچنے کے بعد "اعتمرنا‘‘ اور ’’توکلنا‘‘ کی ایپس پر مؤثر ہو گی۔

وزارت حج وعمرہ اور سدایا نے " اعتمرنا‘‘ اور ’توکلنا" ایپلی کیشنز کے تمام صارفین پر زور دیا کہ وہ (گوگل پلے)، (ایپ اسٹور)، (ایپ گیلری) اور (گیلیکسی اسٹور) کے ذریعے ایپلی کیشن کو اپ ڈیٹ کریں۔