صابر حسین/ نئی دہلی

ہندوستانی فٹ بال کلبوں میں سے ایک ہے کولکتہ کا محمڈن اسپورٹنگ کلب۔ابتک سنہری تاریخ کا مالک یہ ادارہ یاد ماضی ہی سمجھا جارہا تھا۔لیکن اب ایک بار پھر فٹ بال کے دیو نے انگڑائی لی ہے۔ فٹ بال کے افق پر واپسی کے آثار پیدا ہوئے ہیں۔ایک امیدجاگی ہے ان کروڑوں دلوں میں جو ایک وقت صرف محمڈن اسپورٹنگ کے لیے دھڑکتے تھے۔ ایک دور تھا جب کولکتہ فٹ بال کے تین دیو میں ایک محمڈن اسپورٹنگ کا نام تھا۔اس کے ساتھ موہن بگان اور ایسٹ بنگال دیگر دو بڑے دیو تھے۔محمٹن اسپورٹنگ کا نویں دہائی میں زوال شروع ہوا تھا جو ابتک جاری تھا مگر ایک نئی مہم اور کوشش کے ساتھ اس ادارے کو دوبارہ پیروں پر کھڑا کرنے کی کوشش کی جارہی ہے۔

پہلی کا میابی ۔بڑی امید

بلیک اینڈ وائٹ جرسی کے ساتھ 130 سال پرانے کلب نےاس بار 40 سال کے وقفے کے بعد گزشتہ سال کلکتہ فٹ بال لیگ (سی ایف ایل) جیت لی۔اس جیت نے کولکتہ کو ماضی کی یاد دلا دی جب سڑکوں پر طویل جلوسوں کی شکل میں جشن منایا گیا۔ مداحوں کے لیے یہ خبر ایسی تھی گویا ان کا دیو جاگ گیا ہو۔

محمڈن اسپورٹنگ کے لیے یہ 12 واں لیگ ٹائٹل تھا یاد رہے کہ کلب نے سب سے پہلے 1934 یہ اعزاز حاصل کیا تھا بلکہ پہلا ہندوستانی کلب بھی بنا تھا۔ جب محمڈن اسپورٹنگ کلب نے برطانوی اور فوجی ٹیموں کا دبدبہ ختم کیا تھا۔ یہ شاندار دور 1939 تک جاری رہا تھا جب کلب نے لگاتار پانچ بار کولکتہ فٹ بال لیگ کا اعزاز حاصل کیا تھا جو ایک ریکارڈ تھا۔

اس کے بعد سے محمڈن اسپورٹنگ کو ملک کے اقلیتی طبقہ کے لیے شان کی علامت مانا جاتا رہا۔کلب نے اس کے بعد ڈیورنڈ کپ ( پہلی ہندوستانی فاتح کلب)، روورس کپ، ڈی سی ایم ٹرافی، آئی ایف اے شیلڈ اور فیڈریشن کپ سمیت تقریباً ہر بڑا ٹورنامنٹ جیتا ہے۔ لیکن 1983 اور 1984میں فیڈریشن کپ میں لگاتار دو فتوحات اس کی آخری بڑی فتح تھی۔

محمڈن اسپورٹنگ کی چالیس سال بعد لیگ فاتح بننے کی خوشی

لیکن اسپانسرشپ سے محروم ہونے کے بعد کلب کی قسمت خراب ہونے لگی، جب کہ کنگ فشر کے ذریعہ وجے مالیا کے دیوالیہ ہونے کے بعد محمڈن اسپورٹنگ بے سہارا ہوئی جبکہ حریف حریف ایسٹ بنگال اور موہن بگان کا عروج ہوا۔ اندرونی جھگڑوں سے بھی بہت نقصان ہوا اور کلب بمشکل زندہ رہ سکا۔

نیا سہرا نیا سفر

لیکن یہ سب اب ماضی کی بات ہے۔ اکتوبر 2020 میں، گڑگاؤں میں قائم اسپورٹس مینجمنٹ کمپنی بنکر ہل نے محمڈن اسپورٹنگ میں سرمایہ کاری کرنے کا فیصلہ کیا، جو اب کلب میں بڑی تبدیلی لانے کی کوشش کررہی ہے۔

بنکر ہل کے آنے کے صرف ایک سال بعد، محمڈن اسپورٹنگ نے کولکتہ فٹ بال لیگ کے فاتح بننے کا اعزاز حاصل کیا۔ پچھلے مہینے، اس نے اپنی آئی-لیگ مہم کا آغاز سودیوا دہلی ایف سی کے خلاف 2-1 سے جیت کے ساتھ کیا، اس سے پہلے کہ کورونا کی وبائی لہر کے سبب یہ نہیں کھیلا جاسکا تھا۔

دیپک سنگھ آواز، بنکر ہل کے ڈائریکٹر، دی وائس کو بتاتے ہیں کہ، محمڈن اسپورٹنگ کے پاس پہلے کلب چلانے کے لیے ایک آرام دہ انداز تھا۔ اب ایک پیشہ ورانہ نقطہ نظر ہے اور ایک 360 ڈگری تبدیلی آئی ہے جس میں کوچز اور کھلاڑیوں کی بھرتی کا عمل شامل ہے۔

بنکرہل کی جانب سے محمڈن اسپورٹنگ میں دلچسپی ظاہر کرنے کی ایک وجہ بلیک اینڈ وائٹ بریگیڈ کی وراثتی قدر اوروہ تاریخ تھی جسے سنہرا مانا جاتا ہے۔ وہ کہتے ہیں کہ یہ ایک تاریخی کلب ہے جس کا ایک بھرپور ورثہ ہے اور ملک بھر میں مداحوں کی تعداد بہت کم ہے۔ کلب کے ساتھ بہت زیادہ جذبات بھی جڑے ہوئے ہیں، اس لیے جب ہم نے اسپانسر کا ذمہ سنبھالا تو برانڈ بنانے میں کوئی مسئلہ نہیں تھا۔

 وہ صرف ایک سال میں کلب کی تبدیلی سے خوش ہیں۔کہتے ہیں کہ کلب نے کولکتہ لیگ جیت لی ہے۔ ڈیورنڈ کپ کے فائنل میں پہنچ چکے ہیں اور آئی لیگ کے ٹاپ لیول پر کھیل رہے ہیں۔ کلب نے ہمیں فری ہینڈ دیا ہے کیونکہ ایک سنجیدہ اصلاح کی ضرورت تھی۔

تال میل بن گیا ہے

 ایسا لگتا ہے کہ بنکر ہل محمڈن اسپورٹنگ کے ساتھ اچھی طرح سے گھل مل گئے ہیں۔ کلب کے جنرل سیکرٹری دانش اقبال نے کہا کہ وہ کھوئی ہوئی شان کو دوبارہ حاصل کرنے کے لیے تیار ہیں۔ ایسا لگتا ہے کہ بنکر ہل اور محمڈن اسپورٹنگ کے ساتھ تال میل قائم ہوچکا ہے۔ کلب کے جنرل سیکرٹری دانش اقبال نے کہا کہ وہ کھوئی ہوئی شان کو دوبارہ حاصل کرنے کی جدوجہد جاری ہے۔جس میں کامیابی کا یقین ہے۔

اقبال کہتے ہیں کہ 2020 میں ہمارے ساتھ حالیہ برسوں میں ہوا تھا اس کا جائزہ لیا تھا۔ ہمیں بنکر ہل کی شکل میں ایک سرمایہ کار ملا اور اس نے کلب کی عظمت بحال کرنے میں مکمل پیشہ ورانہ طریقہ اختیار کیا اور اس کا نتیجہ نکلا۔ ہمارے پاس ایک طویل مدتی پروگرام ہے جس میں ایک ریزرو ٹیم بنانا شامل ہے۔

انہوں نے اعتراف کیا کہ کلب فنڈز کی کمی کی وجہ سے مشکلات کا شکار تھا۔کئی سالوں سے محمڈن اسپورٹنگ کے پاس کوئی بڑا اسپانسرز نہیں تھا۔ ہمارے پاس پیسے نہیں تھے اور کلب بمشکل خیر خواہوں، ممبران اور آفیشلز کے عطیات سے بچ پایا۔ لیکن یہ مسئلہ اب ہمارے پیچھے ہے اور بنکر ہل کے ساتھ ہماری اچھی سمجھ ہے۔

عرفان پٹھان بنے برانڈ ایمبسڈر ۔ ۔فٹ بال کے عروج کے لیے کرکٹر کا سہارا 

 کوچ اور کوچنگ 

پیشہ ورانہ نقطہ نظر اس طرح سے واضح تھا جس طرح کلب ہیڈ کوچ اینڈری چرنیشوف کی خدمات حاصل کرنے جا رہا تھا، جو کہ یو اے ایف اے پرو لائسنس ہولڈر ہے۔ محمڈن اسپورٹنگ اور بنکر ہل نے چیرنیشوف کی خدمات حاصل کرنے سے پہلے 30 کوچز کا انٹرویو کیا، جو یورپ اور مشرق وسطیٰ کے سات ممالک کی کوچنگ کر چکے ہیں۔ وہ خود بھی کھلاڑی رہ چکے ہیں اور روسی انڈر 21 ٹیم کو بھی سنبھال چکے ہیں۔

مئی 2021 میں ایک بار کوچ کی خدمات حاصل کرنے کے بعد، کلب نے انہیں ٹیم کے لیے ہندوستان میں کھیلنے والے کھلاڑیوں کی ویڈیوز بھیجیں۔تاکہ وہ بہتر طور پر سب سے واقف ہوسکیں ۔

دیپک سنگھ کہتے ہیں کہ ایک چار رکنی کور کمیٹی ہے جس میں کوچ، کلب کے فٹ بال سیکرٹری اور بنکر ہل کے دو نمائندے شامل ہیں۔" کوچ حتمی فیصلہ کرتا ہے کہ کس کھلاڑی کو منتخب کرنا ہے۔ ہم نے اسے تین سال کا کنٹریکٹ دیا ہے، اس لیے وہ جانتا ہے کہ اس کے پاس ڈیلیور کرنے کے لیے کافی وقت ہے اور اس نے بہت تیزی سے ڈھال لیا ہے۔

کلب کے فٹ بال سکریٹری اور ہندوستان کے سابق بین الاقوامی کھلاڑی دیپیندو بسواس ہیں،وہ کہتے ہیں کہ ہم نے ٹیم کے لیے ایک بلیو پرنٹ بنایا جس میں کوچ اور کھلاڑی شامل تھے اور پھر ایک ایک کر کے معاملات اور مسائل کو حل کیا گیا۔

نئے کوچ کی آمد اور کلب کے عہدیدار

 دیپک سنگھ، اقبال اور بسواس  کا نشانہ انڈین سپر لیگ (آئی ایس ایل)  کا ہے جس کے لیے ان کی سوچ اور منصوبہ بندی بالکل واضح ہے۔ جو ملک کی اعلیٰ درجے کی فٹ بال لیگ ہے۔ 

دراصل 2024 تک ہم آئی ایس ایل کا حصہ بننا چاہتے ہیں اور آخرکار اسے جیتنا چاہتے ہیں۔ میں محمڈن اسپورٹنگ کے بارے میں بہت پر امید ہوں اور ہم نے کھلاڑیوں کو طویل مدتی معاہدے دیئے ہیں جس سے ہمیں اپنے مقاصد تک پہنچنے میں مدد ملے گی۔

مستقبل کے لیے ٹیلنٹ کی تلاش

 اقبال دانش اور بسواس کلب کے یوتھ ڈویلپمنٹ پروگرام کے بارے میں بھی پرجوش ہیں۔ بسواس نے کہا کہ ٹیم کو برقرار رکھنے کے لیے نوجوانوں کی ترقی کا پروگرام اہم ہے کیونکہ اس سے کھلاڑیوں کی مسلسل فراہمی کو یقینی بنانے میں مدد ملے گی۔

کلب کو ہے نئی نسل میں نئے ٹیلنٹ کی تلاش

 انہوں نے مزید کہا کہ ہمارا یوتھ ڈویلپمنٹ پروگرام جاری ہے۔ ہم کھلاڑیوں کو خریدنا جاری نہیں رکھ سکتے کیونکہ یہ ایک پائیدار ماڈل نہیں ہے۔