نئی دہلی / آواز دی وائس 

ہندوستانی اسٹاک مارکیٹ کا آغاز آج (24 جون 2025) اضافے کے ساتھ ہوا۔ دونوں بڑے انڈیکس بی ایس ای سینسیکس اور این ایس ای نفٹی آج سبز نشان پر کھلے۔ سینسیکس ابتدائی تجارت میں 637 پوائنٹس بڑھ کر 82,534.61 پوائنٹس پر پہنچ گیا۔ نفٹی 25,179.85 پوائنٹس تک بڑھ گیا۔

سینسیکس اور نفٹی میں زبردست تیزی

بی ایس ای کے 30 شیئرز پر مشتمل سینسیکس پری اوپننگ میں 637.82 پوائنٹس یعنی 0.78 فیصد کے اضافے کے ساتھ 82,534.61 پر تجارت کرتا دکھائی دیا۔ وہیں این ایس ای کا 50 شیئرز والا نفٹی انڈیکس 208 پوائنٹس یعنی 0.83 فیصد بڑھ کر 25,179.90 پر پہنچ گیا۔ ابتدائی کاروبار میں شیئر بازار کی رفتار مزید تیز ہو گئی۔ صبح 9:21 بجے سینسیکس نے 923.41 پوائنٹس (1.13فیصد ) کی شاندار تیزی کے ساتھ 82,820.20 کا لیول چھو لیا، جبکہ نفٹی 272.90 پوائنٹس (1.09فیصد ) کی تیزی کے ساتھ 25,244.80 پر ٹریڈ کر رہا تھا۔

اڈانی گروپ کے شیئرز میں مضبوطی

آج کے ابتدائی کاروبار میں اڈانی گروپ کے تقریباً تمام شیئرز میں تیزی دیکھی گئی، جس کی بڑی وجہ اڈانی ایئرپورٹس ہولڈنگز لمیٹڈ کی جانب سے ممبئی انٹرنیشنل ایئرپورٹ لمیٹڈ کے لیے 1 ارب ڈالر کی فنانسنگ حاصل کرنا رہی۔

آج کے کاروبار میں سب سے زیادہ مضبوطی اڈانی پورٹس اینڈ اسپیشل اکنامک زون میں دیکھی گئی، جو 4.60فیصد یعنی ₹62.30 کے اضافے کے ساتھ ₹1,417.10 پر ٹریڈ کر رہا تھا۔ اس کے بعد اڈانی گرین انرجی میں 2.53فیصد یعنی ₹24.30 کا اضافہ دیکھنے کو ملا اور یہ ₹984.80 پر پہنچ گیا۔ اڈانی انٹرپرائزز میں 2.08فیصد یعنی ₹51.30 کا اضافہ ہوا اور یہ ₹2,523.30 پر کاروبار کر رہا تھا۔ نیو دہلی ٹیلیویژن (NDTV) میں بھی 1.98فیصد یعنی ₹3.01 کی تیزی دیکھی گئی، جس سے یہ ₹155.00 پر پہنچ گیا۔ اڈانی ٹوٹل گیس 1.80فیصد یعنی ₹11.35 کے اضافے کے ساتھ ₹641.05 پر، جبکہ اڈانی انرجی سولیوشنز 1.62فیصد یعنی ₹13.55 کی تیزی کے ساتھ ₹850.75 پر ٹریڈ کر رہا تھا۔ اڈانی پاور میں بھی 1.14فیصد یعنی ₹6.15 کا معمولی اضافہ دیکھا گیا اور یہ ₹544.15 پر تجارت کر رہا تھا۔

گزشتہ روز بازار میں گراوٹ

اس سے قبل پیر کے روز بازار میں کمزوری دیکھی گئی تھی۔ سینسیکس 511.38 پوائنٹس یعنی 0.62 فیصد گر کر 81,896.79 پر بند ہوا تھا، جبکہ نفٹی میں 140.50 پوائنٹس یعنی 0.56 فیصد کی گراوٹ ہوئی تھی اور یہ 24,971.90 پر بند ہوا تھا۔