پر 28فیصد ٹیکس لگانے کا فیصلہ گڈز اینڈ سروس ٹیکس یعنی جی ایس ٹی کونسل کی 51ویں میٹنگ میں آن لائن گیمنگ، ہارس ریسنگ اور کیسینو پر 28فیصد ٹیکس لگانے کا حتمی فیصلہ کیا گیا۔ اب تک ان پر 18 فیصد ٹیکس لگایا جاتا تھا۔ حکومت نے گیم آف اسکل اور گیم آف چانس کو ایک جیسا سمجھا۔ اس کے ساتھ ہی کینسر کی دوا ڈائنوٹکسیماب کی درآمد پر جی ایس ٹی ہٹانے کی بھی منظوری دی گئی۔

سنیما ہالز میں کھانے پینے کے بلوں پر عائد جی ایس ٹی کو کم کرنے کی سفارش بھی منظور کر لی گئی۔ اب وہ 18فیصدکے بجائے 5% جی ایس ٹی لگائیں گے۔ نایاب بیماریوں میں استعمال ہونے والے فوڈ فار اسپیشل میڈیکل پرپز (ایف ایس ایم پی) پر جی ایس ٹی نہ لگانے کا فیصلہ کیا گیا ہے۔

جولائی میں 1.65 لاکھ کروڑ روپے کا جی ایس ٹی جمع

حکومت نے جولائی 2023 میں گڈز اینڈ سروسز ٹیکس (جی ایس ٹی) سے 1,65,105 کروڑ روپے جمع کیے ہیں۔ سالانہ بنیادوں پر 11 فیصد اضافہ ہوا ہے۔ جولائی 2022 میں یہ 1,48,995 کروڑ روپے تھا۔ جولائی میں یہ لگاتار پانچواں موقع ہے جب ریونیو کلیکشن 1.6 لاکھ کروڑ سے اوپر چلا گیا ہے۔

اس سے پہلے جون میں یہ 1,61,497 کروڑ روپے تھا۔ تاہم، اب تک سب سے زیادہ جی ایس ٹی کی وصولی اپریل 2023 میں ہوئی تھی، جب یہ تعداد 1.87 لاکھ کروڑ روپے سے تجاوز کر گئی تھی۔ اس کے علاوہ مسلسل 17 مہینوں سے ملک کا جی ایس ٹی مجموعہ 1.4 لاکھ کروڑ روپے سے اوپر رہا ہے۔