یونس علوی/ نوح(ہریانہ)

ریاست ہریانہ کی کھٹر حکومت بکرا پالنے پر خصوصی زور دے رہی ہے تاہم کورونا کی وجہ سے ریاست کے بکرا پالنے والے دو سال سے نقل و حرکت اور تہواروں پر پابندی کی وجہ سے کوئی منافع نہیں اٹھا رہے تھے۔اب تین سال کے وقفہ کے بعد جب سب کچھ معمول پرآگیا ہے۔ ہریانہ کے بکرے پالنے والوں نے ایک بار پھر کولکتہ اور ممبئی کی بڑی منڈیوں کا رخ کیا ہے تاکہ بقرعید کے موقع پراچھا پیسہ کماسکیں۔ مسلم اکثریتی علاقے میوات کے بکرے 'توتاپری' کی باہر منڈیوں بہت مانگ ہے۔

کولکتہ اور ممبئی کی بکری منڈیوں میں میوات کے توتاپری بکروں کی زبردست مانگ کو دیکھتے ہوئے ہزاروں بکروں کے ساتھ گوٹ فارمر گذشتہ دو دنوں سے ممبئی اور کولکتہ کےلیے روانہ ہوچکےہیں۔

بکروں کے تاجروں نے بتایا کہ یہ سلسلہ 6 جولائی تک جاری رہے گا۔ مالی طور پر مضبوط لوگ بقرعید کے موقع پر قربانی کے لیے میوات کے توتاپری بکرے کو زیادہ پسند کرتے ہیں۔ جس کی وجہ سے یہاں کے بکرے پالنے والے اورتاجیروں کو بقرعید کے موقع پر اچھی کمائی ہوجاتی ہے۔

بکرا بیچنے والےشریف قریشی، بھورا قریشی اور فخرو قریشی نے بتایا کہ بقرعید کے موقع پر میوات کے ہزاروں بکرے کولکتہ اور ممبئی کی بکرا منڈیوں میں پہنچ چکے ہیں۔ ان میں سے زیادہ تر توتاپری کی نسل کے بکرے ہیں۔

توتاپری بکرے کا جھونڈ

انہوں نے بتایا کہ توتا پری بکرا لمبا ہوتا ہے اور اس کا جسم بھاری و مضبوط بھی ہوتا ہے۔ کولکتہ اور ممبئی کے جانوروں کی منڈیوں میں میوات کے توتا پری بکرے کی بہت مانگ ہے۔

 ان کا کہنا ہے کہ کورونا کی وجہ سے پچھلے تین سالوں سے میوات کے تاجر بکروں کو کولکتہ اور ممبئی کی بکرا منڈیوں میں نہیں لے جا سکے۔

اس بارتاجروں نے توتاپری بکروں کی تفصیلات ایک ماہ قبل لینا شروع کر دی تھی۔ وہ زیادہ تراس نسل کے بکروں کی قربانی کرنا پسند کرتے ہیں۔

بکرے کے تاجروں نے بتایا کہ میوات کے تاجر بقرعید سے تین چارماہ قبل بکرے کی خریداری شروع کردیتے ہیں۔ میوات کےکسان توتا پری بکری پالتے ہیں کیونکہ انہیں اچھی قیمت ملتی ہے۔ انہوں نے بتایا کہ اس بار بھی تاجروں نے ہزاروں بکرے خریدے ہیں۔

ان کا کہنا ہے کہ بعض اوقات دوسری ریاستوں سے زیادہ بکرے آنے کی وجہ سے انہیں نقصان اٹھانا پڑتا ہے۔ اس بار تین روزہ بقرعید 10 جولائی سے شروع ہو رہی ہے۔ بقرعید سے تقریباً ایک ماہ قبل تاجروں نے گاوں کے کسانوں سے بکریاں خریدنا شروع کر دی تھیں۔

اب میوات میں صورتحال یہ ہے کہ بقرعید پر اچھی کمائی کو ذہن میں رکھتے ہوئے ہریانہ حکومت کی بکریوں کے فارمنگ کا فائدہ اٹھاتے ہوئے مزدور طبقے نے بھی بکریاں پالنا شروع کر دیا ہے۔ توتا پری نسل کا چھوٹا بچہ 800 سے 1000 روپے میں دستیاب ہے۔ جب وہ بڑا ہوتا ہے تو 20 سے 25 ہزار میں بک جاتا ہے۔ میوات کے علاقے میں چوں کہ بہت سےجنگلات ہیں،اس لیےوالدین کوبکریوں کے چارے اور پانی میں زیادہ پریشانی نہیں ہوتی ہے۔

یاد رہے کہ عید الضحیٰ یعنی بقرعید کا تہوار اسلام میں بہت اہمیت کا حامل ہے۔ اس دن جہاں دنیا کے کروڑوں لوگ حج کا فریضہ ادا کرنے کے لیے سعودی عرب کے شہرمکہ اور مدینہ پہنچتے ہیں وہیں دنیا بھر کے مسلمان بھی اللہ کو راضی کرنے کے لیے جانوروں کی قربانی دیتے ہیں۔ سب سے زیادہ بکروں کی قربانی ہندوستان میں کی جاتی ہے۔

چارہ کھا رہے ہیں بکرے

میوات ہریانہ کا ایک زرعی علاقہ ہے، اس لیے یہاں کے 90 فیصد لوگ زراعت اور مویشی پالنے پر انحصار کرتے ہیں۔ بقرعید کے موقع پر ہونے والی قربانی کے لیے لوگ زیادہ تربکراپالتے ہیں۔

میوات میں ایک بکرے کی قیمت 20 سے 25 ہزار روپے تک ہے۔ جسےتاجرکولکتہ اورممبئی کی منڈیوں میں35 سے 40 ہزار روپے میں فروخت کرتے ہیں۔اسی امید سے لوگ ایک سال پہلے ہی بکرے پالنا شروع کردیتے ہیں تاکہ بقرعید کے موقع پر انہیں فروخت کرکے پورے سال کی دال اور روٹی کا انتظام کرسکیں۔

توتاپری بکری کیا ہے؟

توتاپری بکری کو توتا پوری بکری بھی کہا جاتا ہے۔ توتا پوری بکری بوبڑے خاندان کا ایک فرد ہے۔ توتاپری سب سے قدیم پالتو جانوروں میں سے ایک ہے۔ توتا پری بکری کی ایک نسل ہے جو بنیادی طور پر راجستھان، ہریانہ میں پائی جاتی ہے۔توتاپری کودنیا کے بیشتر حصوں میں دودھ، گوشت، بال اور کھالوں کے لیےپالا جاتا ہے۔ 

توتاپری بکرے بہت شوقین اور ذہین ہوتے ہیں۔ وہ انتہائی مربوط اور انتہائی خطرناک جگہوں پر چڑھنے اور اپنا توازن برقرار رکھنے کی بھی صلاحیت کے لیے مشہور ہیں۔ یہ اکثر چھوٹے درختوں پر بھی چڑھ جاتے ہیں۔

توتاپری بکری

تجارتی توتاپوری بکریوں کا کاروبار دن بہ دن مقبول ہوتا جا رہا ہے، خاص کر ہریانہ، راجستھان میں۔ یہ تجارتی پیداوار کے لیے بہت موزوں ہے۔ ٹوٹا پوری بکرے درمیانے سے بڑے سائز کے ہوتے ہیں اور تجارتی پیداوار کے لیے بہت موزوں ہوتے ہیں۔

توتا پری بکری

زیادہ ترتوتاپری سفید اور بھورے رنگ کے ہوتے ہیں۔ اس کی ناک توتےکی طرح اٹھی ہوئی ہے۔ توتا پری بکری روزانہ 1 سے 2 لیٹر دودھ دے سکتی ہے۔ ایک بکرے کا وزن 40 سے 70 کلو کے درمیان ہوتا ہے جب کہ ایک بکری کا وزن 35 سے 55 کلو کے درمیان ہوتا ہے۔

ان بکریوں کا جسم بڑا اور درمیانی سائز کا ہوتا ہے۔ توتا پری کے کان سے ایک چھوٹی دم لٹکی ہوئی ہوتی ہے۔ اس نسل کے سینگ چھوٹےسائز کے ہوتے ہیں اوردانت اوپراورپیچھےکی طرف مڑے ہوتے ہیں۔

توتاپری بکری کے بچوں کا وزن پیدائش کے وقت تقریباً 2 سے 2.5 کلوگرام ہوتا ہے۔ توتاپری نسل کی مادہ ڈیڑھ سال میں دو بار جنم دے سکتی ہےاور ان میں جڑواں بچے بہت عام ہیں۔ عام طور پر توتا پوری نسل 12 سے 15 ماہ کی عمر میں بچے پیدا کرنا شروع کر دیتی ہے، ان کی زرخیزی 71 کلو گرام ہوتی ہے۔ دودھ پلانے کی اوسط مدت 175 دن ہے۔

توتاپری بکری

توتا پری نسل کی بکریاں کسی بھی ماحول اور آب و ہوا میں آسانی سے خود کو ڈھال لیتی ہیں۔

توتاپری بکرے کا کیا فائدہ ہے؟

توتا پری دنیا کے بیشتر حصوں میں دودھ، گوشت، بالوں اور کھالوں کے لیے استعمال ہوتی ہے۔ بہترین گوشت والے بکرے کی نسل میں سے ایک  ہے۔اس نسل کی بکریاں دودھ بھی زیادہ دیتی ہیں۔ اگرچہ زیادہ تر لوگ توتاپری کوتجارتی نقطہ نظر سے پالتے ہیں۔ لوگ اسے پالتو جانور کے طور پر استعمال کرتے ہیں اور انہیں آمدنی کے لیے استعمال کیا جا سکتا ہے۔ 

توتا پری بکری کیسے پالیں؟

توتاپری نسل کی بکریاں پالنے کے لیے صحیح جگہ کا انتخاب ضروری ہے۔ گوٹ فارمنگ شروع کرنے کے لیے ایسی جگہ کا انتخاب کریں جہاں نمی نہ ہو اور قریب کھلا میدان ہو تاکہ آپ روزانہ بکریوں کو سبز چارہ کھلا سکیں۔

اگر صاف ہوا اور پینے کا پانی ہو تو بکریاں پالنے اور کھانے پینے کا خرچ کم سے کم ہونا چاہیے اور زیادہ سے زیادہ فوائد حاصل کر سکتے ہیں۔ بکریوں کی اتنی ہی تعداد رکھیں جتنی آسانی سے رکھ سکیں۔ بکریوں کے آس پاس کی جگہوں پرصفائی کا خاص خیال رکھیں۔

فروخت کے لے جائے جا رہے ہیں بکرے

جہاں تک اس کی خوراک کا تعلق ہے، وہ جھاڑیوں، درختوں کے پتوں اور گھاس کے اوپر جو کچھ بھی براؤز کرتے ہیں وہ کھا سکتے ہیں۔ بکریوں کے چارے میں سبز پتے ضرور استعمال کریں، یہ ان کے لیے بہت فائدہ مند ہے۔ اسے کھانے کے لیے گوار کا بھوسا، مونگ پھلی کا بھوسا وغیرہ بھی دے سکتے ہیں۔

خیال رہے کہ اس نسل کی بکریوں میں کئی بیماریاں بھی ہوتی ہیں، مثلاً اسہال وغیرہ جن سے بچاؤ کے لیے ویکسینیشن کا استعمال کیا جاتا ہے۔