نئی دہلی: امول اور مدر ڈیری نے دودھ کی قیمت میں دو روپے کا اضافہ کر دیا ہے۔ نئی قیمتوں کا اطلاق 17 اگست2022 سے ہوگا۔ اس سے قبل مارچ میں قیمتوں میں اضافہ کیا گیا تھا۔ 500 ملی لیٹر امول گولڈ کی قیمت 31 روپے اور امول شکتی کی قیمت 28 روپے ہوگی۔ مدر ڈیری بھی بدھ سے فل کریم دودھ کی قیمت 59 روپے فی لیٹر سے بڑھا کر 61 روپے فی لیٹر کر دے گی۔

امول کی طرف سے قیمتوں میں اضافے کی وجہ آپریشن لاگت اور دودھ کی پیداوار میں لاگت میں اضافہ ہے۔ جانوروں کے چارے کی قیمت میں گزشتہ سال کے مقابلے میں تقریباً 20 فیصد اضافہ ہوا ہے۔

ان پٹ لاگت اور جانوروں کی خوراک میں اضافے کے پیش نظر، امول فیڈریشن سے منسلک دودھ یونینوں نے بھی کسانوں کے دودھ کی خریداری کی قیمت میں گزشتہ سال کے مقابلے 8-9 فیصد اضافہ کیا ہے۔

اپنی پالیسی کے تحت، امول اپنے صارفین سے وصول کیے جانے والے ہر ایک روپے میں سے دودھ کے پروڈیوسروں کو 80 پیسے ادا کرتا ہے۔ قیمتوں میں بہتری سے دودھ پیدا کرنے والوں کو مدد ملے گی اور انہیں زیادہ دودھ پیدا کرنے کی ترغیب ملے گی۔ اس اضافے سے مارچ سے اب تک دودھ کی قیمتوں میں 4 روپے فی لیٹر اضافہ ہوا ہے۔

یکم مارچ کو امول اور مدر ڈیری دونوں نے قیمتیں بڑھا دی تھیں۔ فی الحال، امول گولڈ دودھ 30 روپے فی 500 ملی لیٹر، امول تازا 24 روپے فی 500 ملی لیٹر، اور امول شکتی 27 روپے فی 500 ملی لیٹر پر دستیاب ہے۔ اب یہ 2 روپے فی لیٹر مہنگا ہو جائے گا۔ 2 روپے فی لیٹر کا اضافہMRP میں 4 فیصد اضافے کے برابر ہے۔

مدر ڈیری بھی بدھ سے فل کریم دودھ کی قیمت 59 روپے فی لیٹر سے بڑھا کر 61 روپے فی لیٹر کر دے گی۔ ٹونڈ دودھ کی قیمت 51 روپے اور ڈبل ٹونڈ دودھ کی قیمت 45 روپے فی لیٹر ہو جائے گی۔ گائے کے دودھ کی قیمت 53 روپے فی لیٹر کر دی گئی۔

مدر ڈیری دہلی-این سی آر کے بازار میں دودھ فراہم کرنے والے سرکردہ اداروں میں سے ایک ہے اور پولی پیک اور وینڈنگ مشینوں کے ذریعے روزانہ 3 ملین لیٹر سے زیادہ دودھ فروخت کرتی ہے۔ اس کے ساتھ ہی امول ملک کا سرکردہ برانڈ بھی ہے۔لاکھوں کسان ہندوستان کی سب سے بڑی ایف ایم سی جی کمپنی کے مالک ہیں۔ گجرات کے دو گاؤں سے 75 سال پہلے 247 لیٹر دودھ سے شروع ہونے والا سفر آج 260 لاکھ لیٹر تک پہنچ گیا ہے۔