علی احمد

برہموس میزائل صرف ایک تکنیکی کامیابی نہیں بلکہ ہندوستان کے عزم، سائنس اور خود انحصاری کی علامت ہے۔اس عظیم منصوبے کے پیچھے جو شخصیت مرکزی حیثیت رکھتی ہے، وہ ہندوستان کے سابق صدر اور معروف سائنس دان ڈاکٹر اے پی جے عبدالکلام ہیں۔ ڈاکٹر اے پی جے عبدالکلام کا خواب ہے، جو اب حقیقت بن کر پاکستان  کے لیے قہر بن گیا-اُن کی قیادت، اور ہندوستان ی سائنسدانوں کی محنت نے ہندوستان کو دنیا کے ان چند ممالک میں شامل کر دیا ہے جو جدید ترین میزائل سسٹم نہ صرف بنا سکتے ہیں بلکہ دنیا کو بیچ بھی سکتے ہیں۔

اب  ہندوستان میں مقامی طور پر تیار کردہ سپرسونک کروز میزائل سسٹم 'براہموس'، جس نے مبینہ طور پر 7 سے 10 مئی کے دوران پاکستان کے اندر فوجی اڈوں پر حملوں میں کلیدی کردار ادا کیا، دراصل ہندوستان اور روس کی شراکت داری کے ذریعے تیار کیا گیا تھا۔

 پاورنگ ہندوستان سمٹ  میں دفاعی تحقیق و ترقیاتی ادارے (DRDO) کے سابق ڈائریکٹر جنرل ایس کے مشرا نے بتایا کہ براہموس کی کہانی کا آغاز 1993 میں ہندوستان کے سابق صدر ڈاکٹر اے پی جے عبدالکلام کے روس کے دورے سے ہوا۔

یاد رہے کہ ہندوستان کی دفاعی تاریخ میں کئی سنگ میل ایسے آئے ہیں جنہوں نے نہ صرف ملک کی خودانحصاری کو مستحکم کیا بلکہ دنیا کو یہ پیغام بھی دیا کہ اب ہندوستان صرف ایک صارف نہیں، بلکہ ایک تخلیق کار بھی ہے۔ انہی کامیابیوں میں ایک درخشاں باب "برہموس میزائل سسٹم" کا ہے ، ایک ایسا سپرسونک کروز میزائل جو اپنی رفتار، درستگی اور تباہ کن صلاحیت کے لحاظ سے دنیا کے بہترین ہتھیاروں میں شمار کیا جاتا ہے۔

 روس کا دورہ اور ایک خواب

برہموس کی کہانی کا آغاز 1993 میں ہوتا ہے جب ڈاکٹر عبدالکلام، جو اُس وقت ڈیفنس ریسرچ اینڈ ڈیولپمنٹ آرگنائزیشن (DRDO) کے سربراہ تھے، روس کے دورے پر گئے۔ اس دورے میں انہیں ایک ادھورا سپرسونک کمبسشن انجن دکھایا گیا، جو سوویت یونین کے زوال کے بعد مالی وسائل کی کمی کی وجہ سے مکمل نہ ہو سکا تھا۔ کلام نے اس خواب کو پورا کرنے کا فیصلہ کیا۔

بین الاقوامی اشتراک: ہندوستان -روس کا دفاعی سنگم

12 فروری 1998 کو ڈاکٹر کلام اور روس کے نائب وزیر دفاع این وی میخائیلوف نے ایک بین الحکومتی معاہدے پر دستخط کیے جس کے تحت "برہموس ایرواسپیس" کی بنیاد رکھی گئی۔ یہ DRDO اور روسی ادارے NPOM کا مشترکہ منصوبہ تھا، جس میں ہندوستان کی حصہ داری 50.5 فیصد جبکہ روس کی 49.5 فیصد رکھی گئی۔ اس مشترکہ منصوبے کا مقصد دنیا کا واحد سپرسونک کروز میزائل سسٹم — براہموس — تیار کرنا، اس کی تیاری، ڈیزائن اور مارکیٹنگ کرنا تھا۔ پہلے معاہدہ  کے تحت جس میں روس کی جانب سے 123.75 ملین ڈالر اور ہندوستان کی جانب سے 126.25 ملین ڈالر کی فنڈنگ فراہم کی گئی۔ براہموس کی تیاری کا کام اسی سال DRDO اور NPOM کی مخصوص تجربہ گاہوں میں شروع ہوا، جیسا کہ BA کی ویب سائٹ پر درج ہے۔

پہلا کامیاب تجربہ 

دراصل 9 جولائی 1999 کو برہموس پروجیکٹ کو باضابطہ فنڈنگ ملی، اور کام کا آغاز ہوا۔ 12 جون 2001 کو اوڈیشہ کے چندی پور رینج سے برہموس کا پہلا کامیاب تجربہ کیا گیا۔ یہ ہندوستان کے لیے ایک تاریخی دن تھا، جب اس نے دنیا کی واحد فعال سپرسونک کروز میزائل ٹیکنالوجی کا مظاہرہ کیا۔ اس کے بعد براہموس ایرو اسپیس کو مقامی اور بین الاقوامی دفاعی نمائشوں میں شہرت ملی، جن میں 2001 میں ماسکو میں منعقدہ MAKS-1 نمائش میں پہلی شرکت بھی شامل ہے۔متعدد کامیاب تجرباتی لانچز کے بعد، براہموس میزائل سسٹم کو ہندوستان ی بری فوج، بحریہ اور فضائیہ میں شامل کر لیا گیا۔ براہموس میزائل 2.8 میخ کی رفتار سے پرواز کرتا ہے، یعنی آواز کی رفتار سے تقریباً تین گنا زیادہ تیز۔

تکنیکی خصوصیات اور خدمات میں شمولیت

برہموس میزائل کی رفتار تقریباً 2.8 میک ہے، جو آواز کی رفتار سے تین گنا زیادہ ہے۔ یہ میزائل زمین، سمندر، اور فضا سے داغا جا سکتا ہے۔ 2013 میں اس کو SU-30MKI جنگی طیارے سے فائر کرنے کے قابل بنایا گیا، جو ایک بڑا تکنیکی چیلنج تھا۔ حیران کن بات یہ ہے کہ روسی کمپنی Sukhoi نے اس ترمیم کے لیے 1300 کروڑ روپے کا تخمینہ لگایا تھا، مگر ہندوستان ایروناٹکس لمیٹڈ (HAL) نے یہ کام صرف 88 کروڑ میں مکمل کر دیا۔

کلام کا وژن

برہموس صرف ایک میزائل نہیں بلکہ ڈاکٹر کلام کےخوابوں کی تعبیر ہے۔ ان کا وژن یہ تھا کہ ہندوستان کو ہتھیاروں کی دوڑ میں خود کفیل بنایا جائے اور Indigenous Guided Missile Development Programme کے ذریعے عالمی دفاعی برادری میں مقام حاصل کیا جائے۔ برہموس اسی وژن کی ایک عظیم مثال ہے۔

ایس کے مشرا نے وضاحت کی کہ براہموس کی تیاری میں ہندوستان کے انٹیگریٹڈ گائیڈیڈ میزائل ڈیولپمنٹ پروگرام(IGMDP) کے تحت حاصلک کردہ دیسی ٹیکنالوجی استعمال کی گئی، جس کا آغاز 1983 میں میزائل ٹیکنالوجی میں خود کفالت حاصل کرنے کے لیے کیا گیا تھا۔ ابتدا میں براہموس کو زمین اور بحری جہازوں سے لانچ کرنے کے لیے ڈیزائن کیا گیا تھا، لیکن 2013 میں اسےہوائی جہاز سے لانچ کے لیے دوبارہ ڈیزائن کیا گیا۔مشرا نے کہا کہ تاہم سب سے مشکل مرحلہ براہموس کو سوخوئی-30 ایم کے آئی لڑاکا طیاروں کے ساتھ ہم آہنگ کرنا تھا۔ اس مقصد کے لیے ہندوستان ایروناٹکس لمیٹڈ (HAL) نے طیارے کو دوبارہ ڈیزائن کیا تاکہ براہموس کو لے جایا جا سکے۔ سوخوئی طیارہ بنانے والی روسی کمپنی نے طیارے کو دوبارہ ڈیزائن کرنے کا تخمینہ 1300 کروڑ روپے لگایا تھا، لیکن HAL نے یہ کام صرف 88 کروڑ روپے میں مکمل کر لیا۔

عالمی سطح پر پہچان

سال 2022 میں ہندوستان نے جنوب مشرقی ایشیائی ملک فلپائن کے ساتھ 375 ملین ڈالر کا معاہدہ کیا، جس کے تحت براہموس ہتھیاروں کی فراہمی کی جانی تھی۔سال 2024 میں، ہندوستان نے براہموس میزائل فلپائن کو فراہم کیے، جو اس سپرسونک میزائل سسٹم کی ہندوستان کی پہلی برآمد تھی۔ اس معاہدے کی دوسری کھیپ اپریل 2025 میں فلپائن کو فراہم کی گئی۔

براہموس ایرو اسپیس کے مطابق کہ ارجنٹینا سمیت کئی دیگر ممالک نے بھی اس میزائل سسٹم کو خریدنے میں دلچسپی ظاہر کی ہے۔مشرا کے مطابق عام طور پرخریدار (دیگر ممالک) آرڈر دیتے وقت مختلف میزائل سسٹمز کا موازنہ کرتے ہیں، لیکن ہمیں فخر ہے کہ اس موازنے میں براہموس سب سے بہتر نظام کے طور پر سامنے آیا۔  یہ اس بات کا ثبوت ہے کہ ہندوستان ایک دفاعی ہتھیار برآمد کرنے والا ملک بن چکا ہے۔