علی گڑھ، : Aligarh Muslim University کے Zakir Husain College of Engineering and Technology کے طلبہ نے پانچویں ایم ٹی ایس نندا اسٹوڈنٹ انّوویشن ایوارڈز 2026 میں پہلا مقام حاصل کرکے ادارے کا نام روشن کیا ہے۔ یہ اعزاز Marine Technology Society India Section کے زیر اہتمام SRM Institute of Science and Technology، Chennai میں منعقدہ ٹیک سرج 2026 کے دوران پیش کیا گیا۔ بی ٹیک (کمپیوٹر انجینئرنگ) کے پہلے سال کے طالب علم Abdullah Ahmed Siddiqui نے ٹیم کی نمائندگی کرتے ہوئے یہ اعزاز حاصل کیا۔

اے ایم یو کی ٹیم میں Ammar Bari، Mohammad Bilal، Tanishka Bhardwaj، Supreet Chaudhary، Divyanshi Gupta اور Abdullah Ahmed Siddiqui شامل تھے۔ ٹیم کی رہنمائی Prof. Saleem Anwar Khan نے کی، جو ایم ٹی ایس اے یو وی–ذاکر حسین کالج آف انجینئرنگ اینڈ ٹکنالوجی اسٹوڈنٹ سیکشن کے کاؤنسلر بھی ہیں۔

اے ایم یو کی ٹیم کو یہ اعزاز ان کے اختراعی پروجیکٹ بعنوان ”فزکس انفارمڈ نیورل ریڈیئنس فیلڈ فار ٹربڈ واٹر انسپیکشن“ کے لیے دیا گیا۔ اس پروجیکٹ میں ایک جدید فریم ورک متعارف کرایا گیا ہے جو فزکس سے باخبر نیورل ریڈیئنس فیلڈ کو ایک خودکار زیرِ آب گاڑی (اے یو وی) کے ساتھ ملا کر کم مرئی حالات میں درست معائنہ ممکن بناتا ہے۔ روشنی کے بکھراؤ اور جذب جیسے مسائل کو مؤثر طریقے سے حل کرتے ہوئے یہ نظام زیر آب امیجنگ کو بہتر بناتا ہے اور اعلیٰ معیار کے تھری ڈی ری کنسٹرکشن اور ڈیجیٹل ٹوئن کی تخلیق کو انجینئرنگ مقاصد کے لیے ممکن بناتا ہے۔

ملک بھر کی 28 ٹیموں کے درمیان مقابلے میں اے ایم یو کی ٹیم نے اپنی جدت، تکنیکی مہارت اور عملی افادیت کی بنیاد پر نمایاں کامیابی حاصل کی، جو میرین روبوٹکس، زیر آب ادراک اور ذہین نظام جیسے جدید شعبوں میں طلبہ کی بڑھتی ہوئی مہارت کو ظاہر کرتی ہے۔

یہ ایوارڈ آنجہانی کے نندا کمار کی یاد میں قائم کیا گیا ہے اور میرین و اوشیئن ٹکنالوجی کے میدان میں جدت، اشتراک اور مسائل کے حل کی حوصلہ افزائی کرتا ہے۔