علی گڑھ،-جواہر لعل نہرو میڈیکل کالج، علی گڑھ مسلم یونیورسٹی کے شعبۂ سرجری کے نامور سرجن پروفیسر افضال انیس کو ان کی علمی اور پیشہ ورانہ خدمات کے اعتراف میں اے ایس آئی اتر پردیش چیپٹر کی کانفرنس میں ایمیننٹ سینئر سرجیکل ٹیچر ایوارڈ سے نوازا گیا۔

پروفیسر افضال انیس ایک تجربہ کار اور قابل احترام سرجن ہیں جنہوں نے کئی دہائیوں تک شعبۂ سرجری میں اہم کردار ادا کیا۔ انہوں نے بے شمار سرجیکل ریزیڈنٹس اور میڈیکل طلبہ کی رہنمائی کی، انہیں اعلیٰ تربیت دی اور ان کی پیشہ ورانہ زندگی سنوارنے میں اہم کردار ادا کیا۔ ان کی قائدانہ صلاحیت، شاندار کلینیکل مہارت اور مریضوں کی دیکھ بھال کے لیے غیر متزلزل لگن نے انہیں طبی برادری میں منفرد مقام بخشا ہے۔

اس سے قبل مئی 2025 میں پروفیسر انیس کو فیلو آف دی رائل کالج آف فزیشنز اینڈ سرجنز (ایف آر سی ایس)، گلاسگو کے اعزاز سے بھی نوازا گیا تھا۔