پیرس:بلوچ نیشنل موومنٹ (بی این ایم) کے چیئرمین ڈاکٹر نسیم بلوچ نے بی این ایم کے سینئر رہنما ڈاکٹر دین محمد بلوچ کی مبینہ جبری گمشدگی کے 17 سال مکمل ہونے پر کہا ہے کہ یہ معاملہ آج بھی بلوچستان میں لاپتا افراد کی المناک صورت حال کی علامت بنا ہوا ہے۔

ایکس پر جاری ایک بیان میں ڈاکٹر نسیم بلوچ نے کہا۔ "آج 28 جون کو ڈاکٹر دین محمد بلوچ کی جبری گمشدگی کے 17 سال مکمل ہو گئے ہیں۔"

انہوں نے مزید کہا۔ "17 سال کسی بھی خاندان کے لیے ناقابل برداشت مدت ہوتی ہے۔ تقریباً دو دہائیوں سے ان کے اہل خانہ غیر یقینی صورتحال۔ اذیت اور اپنے پیارے کے انجام کے بارے میں جاننے کے بنیادی حق سے بھی محرومی کے ساتھ زندگی گزار رہے ہیں۔"

ڈاکٹر دین محمد کی بیٹی سمی دین بلوچ کا ذکر کرتے ہوئے انہوں نے کہا۔ "ان کی بیٹی سمی دین بلوچ نے اپنے والد اور تمام جبری طور پر لاپتا افراد کی بازیابی کے لیے پرامن جدوجہد کے لیے خود کو بہادری کے ساتھ وقف کر رکھا ہے۔"

انہوں نے مزید الزام عائد کیا۔ "انصاف ملنے کے بجائے انہیں مسلسل دھمکیوں اور ہراسانی کا سامنا ہے تاکہ وہ انسانی حقوق کے لیے اپنی جدوجہد اور اپنے والد کی واپسی کی مہم ترک کر دیں۔"ڈاکٹر نسیم بلوچ نے دعویٰ کیا کہ یہ معاملہ پاکستان میں انسانی حقوق کی خلاف ورزیوں کے ایک وسیع تر رجحان کی عکاسی کرتا ہے۔

ان کے مطابق لاپتا رشتہ داروں کے بارے میں معلومات طلب کرنے والے یا مبینہ زیادتیوں پر آواز اٹھانے والے افراد کو انصاف کے بجائے دھمکیوں اور دباؤ کا سامنا کرنا پڑتا ہے۔انہوں نے مزید کہا۔ "یہ ایک بار پھر اس تلخ حقیقت کو ظاہر کرتا ہے کہ پاکستان میں ریاستی زیادتیوں کے خلاف آواز اٹھانے والوں کے لیے انسانی حقوق۔ انصاف اور جمہوریت موجود نہیں ہیں۔"

انہوں نے کہا۔ "لاپتا خاندان کے کسی فرد کے بارے میں معلومات کا مطالبہ کرنا جرم سمجھا جاتا ہے اور انسانی حقوق کے کارکنوں کو آواز بلند کرنے پر دھمکیاں دی جاتی ہیں۔"

بی این ایم کے مؤقف کی وضاحت کرتے ہوئے انہوں نے کہا کہ ان تجربات نے تنظیم کے سیاسی نظریے کو تشکیل دیا ہے۔انہوں نے کہا۔ "بی این ایم کا ماننا ہے کہ بلوچ عوام پاکستانی قبضے کے تحت اپنے بنیادی حقوق۔ وقار اور آزادی حاصل نہیں کر سکتے۔"

تنظیم کے مؤقف کا اعادہ کرتے ہوئے انہوں نے کہا۔ "ہمیں یقین ہے کہ آخرکار سچ اور انصاف کی فتح ہوگی۔ ہم اپنی امن پسند جدوجہد اس وقت تک جاری رکھیں گے جب تک ہمارے مقاصد حاصل نہیں ہو جاتے۔"