ماسکو
روس کی وزارتِ دفاع نے بدھ کے روز بتایا کہ اس کے فضائی دفاعی نظام نے یوکرین کے 389 ڈرون مار گرائے۔ یہ حملہ رات کے دوران روس کے مختلف علاقوں اور کریمیا پر کیا گیا تھا۔ بتایا جا رہا ہے کہ یہ حملہ چار سال پہلے یوکرین پر روسی حملے کے بعد اب تک کا سب سے بڑا ڈرون حملہ تھا۔
ڈرونز کو روس کے 13 علاقوں کے ساتھ ساتھ جزیرہ نما کریمیا کے اوپر بھی تباہ کیا گیا، جسے روس نے 2014 میں یوکرین سے غیر قانونی طور پر اپنے قبضے میں لے لیا تھا۔اس حملے نے یوکرین کے مقامی طور پر تیار کردہ طویل فاصلے تک مار کرنے والے ڈرونز کی بڑھتی ہوئی صلاحیت کو واضح کیا ہے۔یہ واقعہ اس کے ایک دن بعد پیش آیا جب روس نے 24 گھنٹوں کے اندر یوکرین کے شہری علاقوں پر تقریباً 1000 ڈرون اور 34 میزائل داغے تھے۔
روس نے عام طور پر رات کے وقت کیے جانے والے حملوں کو بڑھا کر دن کے وقت تک جاری رکھا، جو اس جنگ کے سب سے بڑے فضائی حملوں میں سے ایک تھا۔یوکرینی حکام کے مطابق کم از کم 6 افراد ہلاک اور تقریباً 50 زخمی ہوئے ہیں۔
ماسکو کے شمال میں واقع لینن گراڈ خطے کے گورنر الیگزینڈر دروزدینکو نے بتایا کہ وہاں 56 ڈرون مار گرائے گئے، اور یوکرین کے حملے کے نتیجے میں بحیرہ بالٹک کے بندرگاہی شہر اوست-لوگا میں آگ لگ گئی۔
منگل کے روز روس نے یوکرین پر مختلف اقسام کے 948 ڈرون داغے تھے۔
.webp "۔400 یوکرائنی ڈرون مار گرائے: روس")
