ماسکو: یوکرین نے روس کے سب سے بڑے آئل ٹرمینل پر ڈرون کے ذریعے حملہ کیا جو کئی مہینوں میں اس کی سب سے بڑی کارروائی تھی۔ اس حملے میں دو ٹینکروں میں آگ بھڑک اٹھی اور ہفتے کے روز خام تیل کی لوڈنگ کو معطل کرنا پڑا، جیسا کہ فرانس 24 نے رپورٹ کیا۔یہ تنصیب روسی آئل کمپنی باش نیفٹ کی ملکیت ہے اور محاذِ جنگ سے تقریباً 1,400 کلومیٹر کے فاصلے پر واقع ہے۔دی نیو یارک پوسٹکے مطابق، جن ٹینکروں میں آگ لگی ان میں سے ایک میں 700,000 بیرل تک تیل لے جانے کی صلاحیت تھی۔ بعد ازاں آگ بجھا دی گئی، تاہم یہ واضح نہیں کہ لوڈنگ آپریشن دوبارہ شروع ہوئے یا نہیں۔

فرانس 24کے مطابق، روس کے علاقے باشکورتوستان کے سربراہ رادی خابیروف نے کہا کہ ایک ڈرون نے پلانٹ کو نشانہ بنایا جبکہ دوسرا مار گرایا گیا۔ انہوں نے ٹیلیگرام پر لکھا:"کوئی جانی نقصان یا زخمی نہیں ہوا۔ پروڈکشن سائٹ کو معمولی نقصان پہنچا اور آگ بھڑک اٹھی جو اب بجھائی جا رہی ہے۔"

سوشل میڈیا پر پوسٹ کی گئی ویڈیوز میں ایک ڈرون کو تنصیب کی طرف بڑھتے اور پھر آگ کے شعلوں کے گولے میں پھٹتے ہوئے دیکھا گیا، جس کے بعد آسمان پر دھوئیں کا بادل اٹھتا نظر آیا، جیسا کہ فرانس 24 نے بتایا۔کہ یہ حملہ یوکرین کی اس بڑی مہم کا حصہ ہے جس میں روسی ریفائنریوں کو نشانہ بنایا جا رہا ہے تاکہ ماسکو کی جنگی فنڈنگ کو متاثر کیا جا سکے۔ گرمیوں کے دوران ایسے کئی حملوں نے اہم پلانٹس کی ریفائننگ کی صلاحیت کو کم کر دیا اور ایندھن کی قیمتوں میں اضافہ کر دیا۔

امریکی صدر ڈونالڈ ٹرمپ نے ہفتے کے روز نیٹو اتحادیوں پر زور دیا کہ وہ روسی تیل خریدنا بند کریں، اور کہا کہ یہ ماسکو پر دباؤ ڈالنے کے لیے ضروری ہے تاکہ جنگ ختم ہو سکے۔ پابندیوں کے باوجود ترکی، ہنگری اور سلوواکیہ روسی تیل درآمد کرتے رہتے ہیں۔بشنفٹ اوفا ریفائنری، جسے کریملن نے 2016 میں "ملک کی سب سے بڑی ریفائنریوں میں سے ایک" قرار دیا تھا، 150 سے زائد مختلف پٹرولیم مصنوعات تیار کرتی ہے، جیسا کہ فرانس 24 نے رپورٹ کیا۔