ابوظہبی: متحدہ عرب امارات کے صدر شیخ محمد بن زاید النہیان نے ہفتے کے روز بھارت کے قومی سلامتی کے مشیر اجیت ڈوبھال سے ابوظہبی میں ملاقات کی، جس میں خطے کی صورتحال اور اہم عالمی امور پر تبادلہ خیال کیا گیا۔رپورٹس کے مطابق ملاقات کے دوران دونوں رہنماؤں نے مغربی ایشیا میں جاری بدلتی ہوئی صورتحال اور علاقائی استحکام کے حوالے سے تفصیلی گفتگو کی۔ اس موقع پر سکیورٹی خدشات، معاشی مفادات اور خطے میں بڑھتی ہوئی کشیدگی کے تناظر میں باہمی تعاون کو مزید مضبوط بنانے پر زور دیا گیا۔

ملاقات میں خاص طور پر اسرائیل اور ایران کے درمیان کشیدگی کے بعد پیدا ہونے والی صورتحال پر بھی غور کیا گیا اور اس بات پر اتفاق کیا گیا کہ خطے میں امن و استحکام کے لیے مشترکہ حکمت عملی اپنانا ضروری ہے۔اس سے قبل 20 اپریل کو اجیت ڈوبھال نے وزیر اعظم نریندر مودی کی ہدایت پر خلیجی ممالک سے روابط کے سلسلے میں سعودی عرب کا دورہ بھی کیا تھا، جہاں انہوں نے اعلیٰ حکام سے ملاقاتیں کیں اور علاقائی سلامتی سمیت مختلف امور پر تبادلہ خیال کیا۔

متحدہ عرب امارات کی سرکاری خبر رساں ایجنسی وام کے مطابق اس ملاقات میں دونوں ممالک کی قیادت کے درمیان خیرسگالی کے جذبات کا تبادلہ بھی کیا گیا۔ اجیت ڈوبھال نے بھارتی وزیر اعظم نریندر مودی کی جانب سے متحدہ عرب امارات کی مسلسل ترقی اور خوشحالی کے لیے نیک خواہشات کا اظہار کیا، جبکہ اماراتی صدر شیخ محمد بن زاید النہیان نے بھی بھارت اور اس کے عوام کے لیے اسی طرح کے جذبات کا اظہار کیا۔

NSA Ajit Doval paid an official visit to the UAE.
He called on President HH Sheikh @MohamedBinZayed. Conveyed greetings of PM @narendramodi . Measures to deepen Comprehensive Strategic Partnership, the regional situation, and other issues of mutual interest were discussed. pic.twitter.com/xFG6iRKqWJ

— India in UAE (@IndembAbuDhabi) April 26, 2026

دو طرفہ تعلقات کے علاوہ مشرق وسطیٰ کی حالیہ صورتحال اور اس کے علاقائی و عالمی سلامتی پر اثرات پر بھی تفصیلی تبادلہ خیال کیا گیا۔ اس دوران توانائی سے متعلق خدشات اور خطے میں استحکام کے مسائل گفتگو کا اہم حصہ رہے۔یہ ملاقات ایک ماہ کے اندر دونوں ممالک کے درمیان اعلیٰ سطح کے دوسرے رابطے کی نشاندہی کرتی ہے۔ اس سے قبل بھارتی وزیر خارجہ ایس جے شنکر نے بھی دو ملکی دورے کے دوران اماراتی صدر سے ملاقات کی تھی۔

NSA AJIT DOVAL IN UAE

Indian NSA Ajit Doval in UAE, meets UAE President Sheikh Mohamed bin Zayed Al Nahyan (MBZ).

This is the 2nd high level visit from Indian to UAE, after visit of EAM Dr S Jaishankar. https://t.co/vbWZUVQqpp pic.twitter.com/rpxShJ00PD

— India Strikes YT 🇮🇳 (@IndiaStrikes_) April 26, 2026

ایس جے شنکر نے اس موقع پر بھارت اور متحدہ عرب امارات کے تعلقات کی مضبوطی کو اجاگر کرتے ہوئے کہا تھا کہ پیچیدہ علاقائی صورتحال کے باوجود دونوں ممالک کے درمیان روابط مستقل اور شفاف انداز میں جاری ہیں۔ وہ اس دورے سے قبل نویں انڈین اوشن کانفرنس میں شرکت کے بعد متحدہ عرب امارات پہنچے تھے۔