تہران :ایران میں احتجاج جمعہ کے روز تیرہویں دن میں داخل ہو گئے۔ مہنگائی میں اضافے کے خلاف پیدا ہونے والا یہ عوامی غصہ اب اس موجودہ نظام کے خاتمے کے مطالبے میں بدل چکا ہے جو 1979 کے اسلامی انقلاب کے بعد سے ایران پر حکومت کر رہا ہے جس نے مغرب نواز شاہ کا تختہ الٹ دیا تھا۔

کریٹیکل تھریٹس کے ریسرچ فیلو نکولس کارل نے ایکس پر اپنی پوسٹ میں کہا کہ گزشتہ دن کے دوران ایران بھر میں احتجاج میں ڈرامائی طور پر توسیع ہوئی ہے۔ بڑے شہروں میں سیکڑوں مظاہرین کے مناظر سامنے آئے ہیں حالانکہ حکومت نے ملک گیر انٹرنیٹ بندش نافذ کر رکھی ہے۔ سکیورٹی فورسز پورے ملک میں احتجاج ختم کرنے کے لیے شدید تشدد کا استعمال کرتی دکھائی دے رہی ہیں۔ احتجاج اس مقام تک پہنچ چکے ہیں جہاں وہ نظام کی مؤثر دباؤ کی صلاحیت کو چیلنج کر رہے ہیں۔ سکیورٹی فورسز بظاہر افرادی اور عملی دباؤ کا شکار ہیں اور ہر جگہ ایک ساتھ موجود نہیں رہ سکتیں۔

What is happening in Iran is not a protest anymore, it’ a REVOLUTION against radical Islamists who have hijacked the beautiful country of Iran for 47yrs.

World leaders must stand with Iranians who are fighting against a criminal Islamic terrorist regime that has sponsored… pic.twitter.com/aOHcpoId5W

— Marziyeh Amirizadeh مرضیه امیری زاده (@MAmirizadeh) January 9, 2026

انٹرنیٹ آزادی کی نگرانی کرنے والے ادارے نیٹ بلاکس نے حکومت کی جانب سے نافذ انٹرنیٹ بندش کو دستاویزی شکل دی اور جمعہ کے روز کہا کہ ایران میں ملک گیر انٹرنیٹ شٹ ڈاؤن کو 24 گھنٹے ہو چکے ہیں اور کنیکٹیویٹی معمول کی سطح کے 1 فیصد پر آ کر رک گئی ہے۔ یہ جاری ڈیجیٹل بلیک آؤٹ ایرانی عوام کے بنیادی حقوق اور آزادیوں کی خلاف ورزی ہے اور اس کے ساتھ حکومتی تشدد کو چھپایا جا رہا ہے۔

ایرانی نوبل امن انعام یافتہ شیرین عبادی نے خبردار کیا کہ اسلامی جمہوریہ میں سکیورٹی فورسز ملک گیر مواصلاتی بلیک آؤٹ کی آڑ میں ایک بڑے قتل عام کی تیاری کر سکتی ہیں۔ یہ خبر ٹائمز آف اسرائیل نے رپورٹ کی۔عبادی نے کہا کہ انہیں ایسی اطلاعات موصول ہوئی ہیں کہ جمعرات کے روز سینکڑوں افراد کو تہران کے ایک اسپتال منتقل کیا گیا جن کی آنکھوں کو پیلٹ گن کی فائرنگ سے شدید نقصان پہنچا تھا۔

معروف ایرانی صحافی اور کارکن مسیح علی نژاد نے اسٹار لنک کے ذریعے ایران سے موصول ہونے والی ویڈیوز پوسٹ کرتے ہوئے کہا کہ اب 24 گھنٹوں سے زیادہ وقت گزر چکا ہے کہ ایران کے آمر نے 90 ملین ایرانیوں کے لیے انٹرنیٹ بند کر رکھا ہے۔ انٹرنیٹ تک رسائی ایرانی عوامی بغاوت کی شہ رگ ہے اور اسٹار لنک کی سہولت ایرانی انقلابیوں کے لیے دستیاب بنا کر ایلون مسک نے ایران میں جمہوریت کی جدوجہد میں ایک نہایت اہم اور ناقابلِ فراموش کردار ادا کیا ہے۔ایرانی ولی عہد جو جلاوطنی میں ہیں رضا پہلوی نے بھی مظاہرین کی حمایت کرتے ہوئے عوام سے اپیل کی کہ وہ مل کر نظام کو آخری ضرب لگانے کے لیے کام کریں۔

POWERFUL PROTESTS: Video from inside Iran shows massive crowds filling the streets in protest against the hardline Islamist government, despite the internet crackdown in the country.

The protests have grown in recent days as frustrated Iranians speak out against rampant… pic.twitter.com/t8qvr711g4

— Fox News (@FoxNews) January 9, 2026

انہوں نے ایکس پر ویڈیو پیغام میں کہا کہ میرا پیغام بیرون ملک مقیم ہم وطنوں کے لیے ہے۔ اس وقت آپ ایک نہایت اہم کردار ادا کر سکتے ہیں۔ اس وقت سب سے زیادہ ضروری بات یہ ہے کہ آپ اپنے میزبان ممالک اور بڑے شہروں میں احتجاج کا سلسلہ جاری رکھیں اور سیاسی حکومتی اور میڈیا اداروں کے ساتھ معلومات شیئر کریں۔ آپ فون یا ای میل کے ذریعے جس طرح ممکن ہو ان سے رابطہ کریں۔ ایران کی مسلسل کوریج اس بات کو یقینی بنائے گی کہ ایرانی عوام کو ترجیح دی جائے اور انہیں فراموش نہ کیا جائے۔ ہمیں اس آواز کو بین الاقوامی سطح پر خاموش نہیں ہونے دینا چاہیے۔ دنیا کو یہ جاننا چاہیے کہ ایران کے عوام تمام پابندیوں کے باوجود غیر معمولی جرات کے ساتھ جدوجہد جاری رکھے ہوئے ہیں۔ اندرون ملک ایرانی دیکھیں گے کہ آپ ان کے ساتھ کھڑے ہیں اور اس سے ان کے حوصلے بلند ہوں گے۔ آئیے ہم مل کر نظام کو آخری ضرب لگائیں آزادی حاصل کریں اور اپنے ملک کی تعمیر نو کریں۔

یہ صورتحال اس بیان کے بعد سامنے آئی جب امریکی صدر ڈونلڈ ٹرمپ نے کہا کہ ایران کی صورتحال پر بہت گہری نظر رکھی جا رہی ہے۔ ٹرمپ نے خبردار کیا کہ اگر مظاہرین کو قتل کیا گیا تو امریکہ مداخلت کرے گا اور ایران کو وہاں نشانہ بنایا جائے گا جہاں اسے سب سے زیادہ تکلیف ہو گی۔

امریکی صدر نے جمعہ کے روز کہا کہ ایران بڑی مشکل میں ہے۔ مجھے لگتا ہے کہ عوام بعض ایسے شہروں پر قابو پا رہے ہیں جہاں کسی نے سوچا بھی نہیں تھا۔ ہم صورتحال پر بہت غور سے نظر رکھے ہوئے ہیں۔ میں نے یہ بات بہت مضبوطی سے کہی ہے کہ اگر انہوں نے ماضی کی طرح لوگوں کو قتل کرنا شروع کیا تو ہم مداخلت کریں گے۔ ہم انہیں وہاں بہت سخت ماریں گے جہاں تکلیف ہو۔ اس کا مطلب زمینی فوج نہیں بلکہ سخت ضرب ہو گی اور ہم نہیں چاہتے کہ ایسا ہو۔

ادھر ایران سے آنے والی اطلاعات کے مطابق احتجاجی مارچ اب ملک کے تمام 31 صوبوں میں پھیل چکے ہیں۔ ٹائم میگزین کی ایک رپورٹ میں ایک تہران کے ڈاکٹر کے حوالے سے جو نام ظاہر نہ کرنے کی شرط پر بتایا گیا کہ دارالحکومت کے صرف 6 اسپتالوں میں کم از کم 217 مظاہرین کی ہلاکتیں ریکارڈ کی گئیں جن میں سے زیادہ تر براہ راست گولیوں سے ہوئیں۔

#Breaking: #Mashhad, the second-largest city of #Iran, is almost under the control of protesters tonight. Security forces of the Islamic regime have largely withdrawn from the streets and are now focused only on guarding government buildings. They are no longer present across the… https://t.co/vr9MP4yEh1 pic.twitter.com/Db9GG5ioKG

— Babak Taghvaee - The Crisis Watch (@BabakTaghvaee1) January 9, 2026

سرکاری میڈیا پریس ٹی وی نے اس کے برعکس مؤقف پیش کرتے ہوئے رپورٹ کیا کہ جمعہ کی نماز کے بعد دسیوں ہزار ایرانیوں نے ملک بھر میں مظاہرے کیے اور ان واقعات کی مذمت کی جنہیں انہوں نے غیر ملکی حمایت یافتہ فسادات قرار دیا۔ رپورٹ میں یہ بھی دعویٰ کیا گیا کہ پولیس نے رات گئے سکیورٹی کارروائیوں کے دوران کئی مسلح دہشت گردوں کو ہلاک کیا اور دیگر کو گرفتار کر لیا۔

ایران کی سپریم نیشنل سکیورٹی کونسل کے سیکریٹری علی لاریجانی نے پریس ٹی وی کو بتایا کہ سکیورٹی فورسز اور عدلیہ مسلح تشدد اور منظم حملوں میں ملوث غیر ملکی روابط رکھنے والے عناصر کے خلاف انتہائی سخت ردعمل دینے کے لیے تیار ہیں۔

لاریجانی نے کہا کہ سکیورٹی فورسز کو عوام کو نقصان سے بچانے کے لیے زیادہ سے زیادہ احتیاط کی ہدایت دی گئی ہے۔ تاہم انہوں نے مزید کہا کہ جو گروہ ہتھیاروں کے ساتھ میدان میں آئیں گے یا ایران کے داخلی معاملات میں مداخلت کا ارادہ رکھتے ہوں گے ان کے خلاف فیصلہ کن کارروائی کی جائے گی۔نظام کے سخت مؤقف اختیار کرنے اور امریکہ کی قریبی نگرانی کے باعث مغربی ایشیا میں صورتحال ایک بار پھر کشیدہ ہو گئی ہے۔

#Breaking: Another piece of footage from the #Poonak neighborhood in northwest #Tehran, #Iran, shows people protesting against the Islamic regime tonight. #IranProtests pic.twitter.com/WBVBeQlbJB

— Babak Taghvaee - The Crisis Watch (@BabakTaghvaee1) January 9, 2026

116احتجاجی مظاہرے

 انسٹی ٹیوٹ فار دی اسٹڈی آف وار جو ایک پالیسی ریسرچ ادارہ ہے نے ہفتہ کے روز بتایا کہ اس نے 8 جنوری کو مقامی وقت کے مطابق سہ پہر 3 بج کر 30 منٹ سے ایران کے 22 صوبوں میں مجموعی طور پر 116 احتجاجی مظاہرے ریکارڈ کیے ہیں۔ رپورٹ کے مطابق ان میں سے 20 احتجاج انتہائی بڑے تھے جن میں ایک ہزار سے زائد افراد نے شرکت کی۔ ادارے نے ایکس پر اپنی پوسٹ میں کہا کہ کریٹیکل تھریٹس اور آئی ایس ڈبلیو نے 8 جنوری کی سہ پہر 3 بج کر 30 منٹ کے بعد سے ایران کے 22 صوبوں میں 116 احتجاجی مظاہرے ریکارڈ کیے ہیں۔ ان میں سے 20 بڑے احتجاج تھے جن کی تعریف سی ٹی پی آئی ایس ڈبلیو ایک ہزار سے زیادہ شرکا والے مظاہروں کے طور پر کرتا ہے۔