ماسکو۔  روس اور یوکرین کے درمیان جاری تازہ جھڑپوں کے دوران روسی فضائی دفاع نے 822 یوکرینی ڈرونز کو روک کر تباہ کردیا جبکہ یوکرینی ڈرون حملوں میں کم از کم 6 افراد ہلاک ہوئے ہیں۔ خبر رساں ادارے تاس کی متعدد رپورٹس کے مطابق یہ حملے روس کے مختلف علاقوں میں کیے گئے۔

تاس کے مطابق روسی وزارت دفاع نے بتایا کہ رات کے دوران روسی علاقوں اور بحیرہ اسود اور بحیرہ آزوف کے اوپر 822 یوکرینی ڈرونز کو روکا اور تباہ کیا گیا۔

روسی وزارت دفاع نے کہا کہ 15 اگست کو ماسکو کے وقت کے مطابق رات 8 بجے سے 16 اگست کی صبح 8 بجے تک روسی فضائی دفاعی افواج نے بیلگورود برائنسک ولادیمیر وولگوگراد وورونیز کالوگا کرسک لیپیٹسک نزنی نووگورود اوریول روستوف ریازان تامبوف اور تولا کے علاقوں کے علاوہ ماسکو کے علاقے کراسنودار خطے اور جمہوریہ کریمیا کے اوپر 822 یوکرینی بغیر پائلٹ طیاروں کو روکا اور تباہ کیا۔ اس کے علاوہ بحیرہ آزوف اور بحیرہ اسود کے اوپر بھی ڈرونز کو نشانہ بنایا گیا۔

دریں اثنا تاس کی دو الگ الگ رپورٹس میں بتایا گیا کہ روستوف اور ماسکو میں ڈرون حملوں کے نتیجے میں کم از کم 6 افراد ہلاک اور 4 زخمی ہوئے۔

اتوار کو جاری ایک رپورٹ کے مطابق جنوبی روس کے روستوف علاقے میں ڈرون حملے میں 3 افراد ہلاک اور ایک شخص زخمی ہوگیا۔ علاقے کے گورنر یوری سلیوسار نے اس کی اطلاع دی۔

تاس کے مطابق انہوں نے میکس چینل پر لکھا کہ گزشتہ رات روستوف علاقے پر فضائی حملے کے نتیجے میں 3 افراد ہلاک ہوئے جبکہ ایک اور شخص زخمی ہوا جسے اسپتال میں داخل کرایا گیا ہے۔

رپورٹ میں سرکاری عہدیدار کے حوالے سے مزید بتایا گیا کہ یوکرینی حملے کے دوران علاقے کے 3 شہروں اور 9 اضلاع کے اوپر 150 سے زائد بغیر پائلٹ فضائی طیاروں کو تباہ کیا گیا۔

آج اس سے قبل جاری ایک اور رپورٹ میں تاس نے ماسکو کے میئر سرگئی سوبیانین کے حوالے سے بتایا کہ ماسکو رنگ روڈ کے قریب ڈرون حملے میں 3 افراد زخمی ہوئے۔

سوبیانین نے میکس چینل پر لکھا کہ وزارت دفاع کے فضائی دفاعی نظام نے ماسکو کو نشانہ بنانے والے مزید 9 ڈرون مار گرائے ہیں۔ ماسکو رنگ روڈ کے قریب 3 افراد زخمی ہوئے ہیں اور انہیں تمام ضروری طبی امداد فراہم کی جا رہی ہے۔ ہنگامی خدمات کے ماہرین اس مقام پر کام کر رہے ہیں جہاں ڈرون کا ملبہ گرا ہے۔

تاس کی جانب سے میئر کے پیغامات کی بنیاد پر کیے گئے حساب کے مطابق نصف شب سے اب تک روسی دارالحکومت کی جانب پرواز کرنے والے 132 بغیر پائلٹ فضائی طیارے مار گرائے گئے ہیں۔

یوکرینی ڈرون حملوں کی اطلاعات کے فوراً بعد روس نے جوابی کارروائی کرتے ہوئے یوکرین کے اہم ذخیرہ گاہوں اور پیداواری مراکز کو نشانہ بنایا۔

روسی افواج نے یوکرین میں بغیر پائلٹ کشتیوں کی تیاری کے ایک مرکز کو نشانہ بنایا۔ روسی وزارت دفاع نے دعویٰ کیا کہ اس مرکز میں ایسی بغیر پائلٹ کشتیوں کے پرزے تیار اور ذخیرہ کیے جاتے تھے جنہیں بحیرہ اسود میں روسی ساحلی شہروں جہازوں اور بنیادی ڈھانچے کو نشانہ بنانے کے لیے استعمال کیا جانا تھا۔

تاس نے روسی وزارت دفاع کے حوالے سے مزید بتایا کہ روسی افواج نے اوڈیسا کی بندرگاہ میں 3 خشک مال بردار جہازوں اور 2 ٹینکروں کو بھی نشانہ بنایا۔ روس کا کہنا تھا کہ ان جہازوں کو یوکرینی فوج کے لیے فوجی سازوسامان اور ایندھن پہنچانے کے لیے استعمال کیا جا رہا تھا۔

ایک اور رپورٹ میں بتایا گیا کہ روسی وزارت دفاع کے مطابق روسی افواج نے طویل فاصلے تک مار کرنے والے ڈرونز اور بغیر پائلٹ کشتیوں کی تیاری اور ذخیرہ کرنے کی تنصیبات کے علاوہ 159 مقامات پر یوکرینی افواج اور غیر ملکی کرائے کے جنگجوؤں کے عارضی ٹھکانوں کو بھی نشانہ بنایا۔

تاس نے روسی وزارت دفاع کے حوالے سے مزید رپورٹ کیا کہ گزشتہ 24 گھنٹوں کے دوران خصوصی فوجی کارروائی کے علاقے میں یوکرینی افواج کے تقریباً 1390 اہلکار ہلاک ہوئے۔ روسی وزارت دفاع کے مطابق روس کے شمالی فوجی گروپ نے 200 تک یوکرینی اہلکاروں کو نقصان پہنچایا جبکہ مغربی فوجی گروپ نے 210 سے زائد جنوبی فوجی گروپ نے 250 تک مرکزی فوجی گروپ نے 365 سے زائد مشرقی فوجی گروپ نے 330 سے زائد اور دنیپرو فوجی گروپ نے 35 تک یوکرینی اہلکاروں کو نقصان پہنچایا۔ (اے