نئی دہلی

ملیشیا کے وزیرِاعظم انور ابراہیم نے منگل کے روز اپنے ملک اور تمل ناڈو کے درمیان “گہرے تعلقات” کو اجاگر کرتے ہوئے اداکار سے سیاستدان بننے والے چندر شیکھر جوزف وجے کو ریاست کا وزیرِاعلیٰ بننے پر مبارکباد دی۔  سوشل میڈیا پلیٹ فارم “ایکس” پر ایک پیغام میں ابراہیم نے وجے کی فلموں کا حوالہ دیتے ہوئے کہا کہ برسوں تک ان کے مداحوں نے انہیں تین گھنٹوں کے اندر بدعنوان سیاستدانوں اور مختلف ولن کو شکست دیتے دیکھا ہے، جو عام طور پر وقفے کے بعد ہوتا تھا۔

انہوں نے کہا کہ تمل ناڈو کے عوام نے اب وجے کو فلمی کرداروں سے کہیں بڑی ذمہ داری سونپی ہے۔ابراہیم نے وجے کو اپنا دوست قرار دیتے ہوئے وزیرِاعلیٰ منتخب ہونے پر مبارکباد دی اور کہا کہ “ایک انگلی کا انقلاب” اب تاریخ رقم کرنے کے دہانے پر ہے۔ملیشیا کے وزیرِاعظم نے کہا کہ ملیشیا اور تمل ناڈو کئی نسلوں سے گہرے تاریخی، ثقافتی اور عوامی روابط رکھتے ہیں۔ انہوں نے کہا کہ وہ آنے والے برسوں میں وزیرِاعلیٰ وجے کے ساتھ مل کر کام کرنے کے منتظر ہیں۔

تملگا ویٹری کزگم کے بانی و سربراہ وجے نے اتوار کے روز تمل ناڈو کے وزیرِاعلیٰ کے طور پر حلف اٹھایا تھا۔