ٹوکیو:وزیر اعظم نریندر مودی نے اپنے جاپان کے سرکاری دورے کے دوران ٹوکیو میں 16 جاپانی پریفیکچرز کے گورنرز سے ملاقات کی۔وزارت خارجہ کے ترجمان رندھیر جیسوال کے مطابق، اس ملاقات میں دونوں ممالک کے درمیان ریاستی اور علاقائی سطح پر تعاون کے فروغ پر تبادلہ خیال کیا گیا۔وزارت خارجہ نے سوشل میڈیا پلیٹ فارم "ایکس" (سابقہ ٹوئٹر)پر ایک بیان میں کہا کہ بھارت اور جاپان کے مضبوط تعلقات میں نئی پیش رفت۔ وزیر اعظم نریندر مودی نے ٹوکیو میں 16 پریفیکچرز کے گورنرز سے ملاقات کی۔ وزیر اعظم نے ‘اسٹیٹ-پریفیکچر پارٹنرشپ انیشی ایٹو’ کے تحت مشترکہ ترقی کے لیے عملی اقدامات پر زور دیا۔"
اہم شعبے جن پر گفتگو ہوئی:
مشترکہ وژن – اگلی دہائی کے لیے 8 رہنما سمتیں
بھارت اور جاپان نے "انڈیا-جاپان جوائنٹ وژن فار دی نیکسٹ ڈیکیڈ"کے عنوان سے ایک مشترکہ اعلامیہ جاری کیا، جس میں آٹھ کلیدی سمتوں کا تعین کیا گیا ہے تاکہ دونوں ممالک کی خصوصی تزویراتی و عالمی شراکت داری کو مزید مستحکم کیا جا سکے۔
یہ وژن 15ویں سالانہ بھارت-جاپان سربراہی اجلاس 2025کے دوران جاپانی وزیر اعظم شیگیری اشیبا کی دعوت پر جاری کیا گیا۔
آٹھ رہنما سمتیں:
سرمایہ کاری کے اہداف اور "میک ان انڈیا" میں تعاون
معاشی تحفظ اور بیٹری سپلائی چین کا تعاون
اعلامیہ میں اس بات پر بھی اتفاق کیا گیا کہ بھارت اور جاپان بیٹری سپلائی چین کے شعبے میں تعاون کو فروغ دیں گے تاکہ ایک مضبوط، پائیدار اور صحت مند بیٹری مارکیٹ تیار کی جا سکے۔وزیر اعظم مودی کے اس دورے کو دونوں ممالک کے درمیان دیرینہ اور تیزی سے ترقی پذیر تعلقات کے لیے ایک سنگِ میل قرار دیا جا رہا ہے۔
