اسلام آباد: پاکستان تحریک انصاف کے سینیٹر فیصل جاوید کا کہنا ہے کہ وزیراعظم عمران خان کا قوم سے خطاب موخر کر دیا گیا ہے۔

فیصل جاوید نے اس حوالے سے ایک ٹویٹ میں بتایا ہے۔

وزیراعظم عمران خان کا آج قوم سے خطاب موخر ہو گیا ہے-

— Faisal Javed Khan (@FaisalJavedKhan) March 30, 2022

اس سے قبل وفاقی وزیر داخلہ شیخ رشید نے بتایا تھا کہ وزیراعظم عمران خان بدھ کی شام قوم سے خطاب کریں گے۔ فیصل جاوید نے صحافیوں سے بات کرتے ہوئے کہا کہ ’اپوزیشن کو ووٹنگ والے دن لگ پتہ جائے گا۔‘

پاکستان وزیر داخلہ شیخ رشید کا کہنا ہے کہ وزیراعظم عمران خان کے مستعفی ہونے کا سوال ہی پیدا نہیں ہوتا ۔

جب کہ دوسری جانب آرٹیکل 63 اے کے حوالے سے چیف جسٹس کا کہنا ہے کہ ’معاملہ خود طے کرنے کی بجائے ہمارے پاس کیوں آئے، ہم کیوں مداخلت کریں۔‘