کابل
پاکستان نے افغانستان پر شدید فضائی حملہ کیا ہے، جس میں 13 افغان شہری ہلاک ہو گئے ہیں۔ ہلاک ہونے والوں میں 11 بچے بھی شامل ہیں۔ اطلاعات کے مطابق منگل کی رات دیر گئے پاکستانی فوج کے جنگی طیاروں نے افغانستان کی فضائی حدود کی خلاف ورزی کرتے ہوئے شہری آبادی اور عام لوگوں کے گھروں کو نشانہ بنا کر بمباری کی۔دوسری جانب افغانستان نے پاکستانی فوج کی اس کارروائی کو اپنی خودمختاری کی کھلی خلاف ورزی قرار دیا ہے۔
افغانستان کے تین صوبوں پر بمباری
افغانستان کے ترجمان نے ایک بیان جاری کرتے ہوئے کہا کہ پاکستانی جنگی طیاروں نے افغانستان کے صوبوں کنڑ، خوست اور پکتیکا کو نشانہ بنایا۔افغان حکام کے مطابق حملوں میں رہائشی علاقوں پر بمباری کی گئی، جس کے نتیجے میں متعدد مکانات تباہ ہو گئے اور عام شہری متاثر ہوئے۔
۔13 افراد ہلاک
افغانستان کی طالبان حکومت کے مطابق ان حملوں میں 13 افراد ہلاک ہوئے ہیں، جنہیں "شہید" قرار دیا گیا ہے۔ہلاک ہونے والوں میں 11 بچے، ایک خاتون اور ایک بزرگ شامل ہیں، جبکہ 14 افراد شدید زخمی بھی ہوئے ہیں۔
اقوام متحدہ میں معاملہ زیر بحث
اس سے قبل خبر رساں ایجنسی پی ٹی آئی کی رپورٹ کے مطابق اقوام متحدہ میں ہندوستان نے پاکستان پر سخت تنقید کی تھی۔ہندوستان نے پاکستان پر افغانستان کے خلاف "تجارت اور ٹرانزٹ دہشت گردی" میں ملوث ہونے کا الزام عائد کیا اور افغان علاقوں میں کیے گئے فضائی حملوں کی مذمت کی۔ہندوستان نے یہ بھی کہا کہ اجتماعی ہلاکتوں کو فوجی کارروائی کا نام دینے سے ذمہ دار افراد بری الذمہ نہیں ہو جاتے۔
ہندوستان کا مؤقف
افغانستان کی صورتحال پر پیر کے روز اقوام متحدہ کی سلامتی کونسل کے اجلاس سے خطاب کرتے ہوئے ہندوستان کے مستقل نمائندے ہریش پروتھنی نے کہا کہ پاکستان کے فوجی حملوں میں بڑی تعداد میں عام شہری مارے گئے ہیں اور افغان عوام کو شدید نقصان پہنچا ہے۔
انہوں نے کہا کہ افغانستان کے خلاف پاکستان کی فضائی فوجی کارروائیوں کے نتیجے میں بڑی تعداد میں عام شہری ہلاک ہوئے ہیں اور افغان عوام کو تکلیف کا سامنا کرنا پڑ رہا ہے۔ اس سے افغانستان کی خودمختاری کی خلاف ورزی ہوئی ہے اور خطے کے امن و استحکام کو خطرہ لاحق ہوا ہے۔
انہوں نے مزید کہا کہ ہندوستان ان حملوں کی سخت مذمت کرتا ہے اور انہیں بین الاقوامی قانون، اقوام متحدہ کے چارٹر اور کسی خودمختار ملک کی سالمیت کے خلاف کھلی خلاف ورزی سمجھتا ہے۔
.webp "پاکستان نے افغانستان پر بمباری کی، 13 افراد ہلاک")
