نیو یارک

محمد شہزیب خان (جو شاہزیب جدون کے نام سے بھی جانا جاتا ہے)، 21 سالہ پاکستانی شہری، نے بدھ (مقامی وقت کے مطابق) بروکلین، نیویارک میں ایک یہودی مرکز پر اجتماعی فائرنگ کرنے کی کوشش کے جرم کا اعتراف کر لیا۔

امریکی محکمۂ انصاف  نے ایک بیان میں کہا کہ 21 سالہ محمد شہزیب خان، جو کینیڈا میں تعلیمی اجازت نامے پر مقیم تھا، نے اس بات کا اعتراف کیا کہ وہ ایسا حملہ منصوبہ بنا رہا تھا جسے وہ 11 ستمبر کے حملوں کے بعد امریکی سرزمین پر سب سے مہلک بنانا چاہتا تھا۔

محمد شہزیب خان، جسے "شاہزیب جدون" بھی کہا جاتا ہے، نے امریکی ڈسٹرکٹ جج  پال جی گارڈیفےکے سامنے جرم قبول کیا، اور اسے 12 اگست 2026 کو سزا سنائی جائے گی۔

قومی سلامتی کے معاون اٹارنی جنرل جان اے آئزنبرگ کے مطابق، خان نے نیویارک شہر کے ایک یہودی مرکز پر اجتماعی فائرنگ کی منصوبہ بندی کی، جسے 7 اکتوبر کے حماس حملوں کی برسی کے ساتھ ہم آہنگ کیا گیا تھا، اور اس کا واضح مقصد زیادہ سے زیادہ یہودیوں کو قتل کرنا تھا۔

بیان میں مزید کہا گیا کہ خان نے نیویارک شہر کو اس حملے کے لیے "بہترین" مقام قرار دیا کیونکہ وہاں یہودی آبادی بڑی تعداد میں موجود ہے، اور اس نے دعویٰ کیا کہ اس کی سازش 11 ستمبر کے بعد امریکی سرزمین پر سب سے بڑا حملہ ہو سکتی ہے۔ مزید کہا گیا کہ قومی سلامتی کا شعبہ ایسے دہشت گردوں کو قانون کے کٹہرے میں لانے کے لیے ہر ممکن کوشش کرے گا۔محکمۂ انصاف کے مطابق، نومبر 2023 کے آس پاس خان، جو کینیڈا میں مقیم تھا، نے سوشل میڈیا پر داعش  کی حمایت میں پوسٹس کرنا شروع کیں، جن میں اس تنظیم کی تشہیری ویڈیوز اور مواد شیئر کرنا شامل تھا۔

اس کے بعد خان نے داعش کی حمایت میں امریکہ میں دہشت گرد حملوں کی منصوبہ بندی شروع کی، اور اس سلسلے میں اس نے دو افراد سے رابطہ کیا جو دراصل خفیہ اہلکار تھے، لیکن اسے اس بات کا علم نہیں تھا۔

خان نے ان اہلکاروں کو بتایا کہ وہ اپنے ساتھی کے ساتھ مل کر شہر میں یہودیوں کو نشانہ بنانے والا حملہ کرنے کا ارادہ رکھتا ہے۔ اس نے ان سے اے آر طرز کی رائفلیں، گولہ بارود اور دیگر سامان حاصل کرنے کو بھی کہا، اور شہر میں ممکنہ حملے کے مقامات کی نشاندہی بھی کی۔ اس نے یہ بھی بتایا کہ وہ ایک اسمگلر کو جانتا ہے جو اسے امریکہ کی سرحد عبور کروانے میں مدد کرے گا۔

اگست 2024 کے قریب، خان نے اپنا ہدف بدل کر نیویارک شہر کر لیا، اور خفیہ اہلکاروں کو بتایا کہ اب ہدف بروکلین میں ایک نمایاں یہودی عبادت گاہ ہوگی۔ اس نے کہا کہ اگر ہم اپنے منصوبے میں کامیاب ہو گئے تو یہ 11 ستمبر کے بعد امریکی سرزمین پر سب سے بڑا حملہ ہوگا۔

محکمۂ انصاف کے مطابق، اس جرم کی زیادہ سے زیادہ سزا عمر قید ہے۔