تل ابیب۔ اسرائیلی دفاعی افواج نے اتوار کے روز ایران کے سپریم لیڈر آیت اللہ علی خامنہ ای کی ہلاکت کے بعد ایران کے دارالحکومت تہران کے قلب میں کیے گئے فضائی حملے کی ویڈیو جاری کی ہے۔ یہ کارروائی آپریشن رورنگ لائن کے تحت کی گئی۔ اسرائیلی فوج نے اپنے بیان میں کہا کہ آپریشن کے آغاز کے بعد پہلی بار اسرائیلی فضائیہ نے تہران کے مرکز میں ایرانی حکومت کے اہداف کو نشانہ بنایا۔ گزشتہ ایک دن کے دوران فضائیہ نے وسیع پیمانے پر حملے کر کے فضائی برتری قائم کرنے اور تہران تک راستہ ہموار کرنے کی کوشش کی۔

اسرائیل نے ایرانی مسلح افواج کے سربراہ عبدالرحیم موسوی کو بھی ہلاک کرنے کا دعویٰ کیا ہے۔ اسرائیلی فوج کے مطابق تہران میں ایران کی اعلیٰ سکیورٹی قیادت کے سات ارکان اور چالیس سینئر کمانڈروں کو بھی نشانہ بنا کر ختم کیا گیا۔

‼️WATCH: For the first time since the start of Operation ‘Roaring Lion’, the IAF is striking targets belonging to the Iranian terror regime in the heart of Tehran.

Over the past day, the IAF conducted large-scale strikes to establish aerial superiority and pave the path to… pic.twitter.com/DN2MkGCfWc

— Israel Defense Forces (@IDF) March 1, 2026

اس کے بعد اسرائیلی فوج نے مغربی ایران کے شہر تبریز کے ہوائی اڈے پر دو لڑاکا طیاروں کو اس وقت نشانہ بنایا جب وہ پرواز کی تیاری کر رہے تھے۔ بیان میں کہا گیا کہ یہ کارروائی ایرانی فضائیہ کی سرگرمیوں کو کمزور کرنے اور اس کے فضائی دفاعی نظام کو مزید نقصان پہنچانے کے لیے کی گئی۔

اسرائیلی فوج نے یہ بھی کہا کہ ایران ہر ماہ درجنوں بیلسٹک میزائل تیار کر رہا ہے اور اس رفتار میں تیزی آرہی ہے۔ بیان کے مطابق ایرانی حکومت دو ہزار ستائیس تک تقریباً آٹھ ہزار میزائل تیار کرنے کی کوشش کر رہی ہے اور زیر زمین پیداواری ڈھانچے کو مضبوط بنانے پر بھرپور سرمایہ کاری کر رہی ہے۔ اسرائیل کے مطابق ایسی حکومت کے پاس میزائلوں کی موجودگی جو اسرائیل کو تباہ کرنے کا ارادہ ظاہر کر چکی ہو ایک وجودی خطرہ ہے۔

دوسری جانب الجزیرہ کے حوالے سے میگن ڈیوڈ ادوم ایمبولینس سروس نے بتایا کہ ایرانی بیلسٹک میزائل حملے کے نتیجے میں یروشلم سے تقریباً تیس کلومیٹر مغرب میں واقع بیت شیمش میں کم از کم چار افراد ہلاک اور قریب بیس زخمی ہوئے ہیں۔ اسرائیلی فوج نے اپنے بیان میں کہا کہ جائے وقوعہ پر تلاش اور امدادی ٹیمیں طبی عملے اور زخمیوں کے انخلا کے لیے ہیلی کاپٹر کے ساتھ کارروائی میں مصروف ہیں۔