نیویارک/نئی دہلی

ہندوستان نے وینزویلا کی قائم مقام صدر ڈیلسی روڈریگز کے ساتھ 4 جون کو نئی دہلی میں ہونے والی ملاقات پر ان کا شکریہ ادا کیا ہے۔ انہوں نے بتایا کہ اس ملاقات میں دونوں رہنماؤں کے درمیان ٹرانسپورٹ، صحت، توانائی، زراعت اور دیگر شعبوں میں تعاون پر تفصیلی بات چیت ہوئی۔

سوشل میڈیا پلیٹ فارم ایکس پر جاری سلسلہ وار پوسٹس میں ڈیلسی روڈریگز نے گرمجوشی سے استقبال پر شکریہ ادا کیا اور کہا کہ اس برادرانہ ملاقات میں ہم نے دو طرفہ تعاون کے مختلف شعبوں پر بات کی جن میں ٹرانسپورٹ، صحت، توانائی میں تکمیلی تعاون، زراعت، سائنس و ٹیکنالوجی شامل ہیں؛ اور دونوں ممالک کے عوام کے فائدے کے لیے اسٹریٹجک اتحاد کے نئے راستے تلاش کیے گئے۔

انہوں نے زور دیا کہ دونوں ممالک نے اس عزم کی توثیق کی کہ مستقبل میں مشترکہ خوشحالی کے لیے تعلقات کو مزید مضبوط بنایا جائے گا، خاص طور پر گلوبل ساؤتھ کے تناظر میں۔دوسری جانب وزارتِ خارجہ کے سیکریٹری (مشرق) رودرندرا ٹنڈن نے کہا کہ توانائی کے شعبے میں ہندوستان اور وینزویلا کے درمیان مکمل تکمیلی تعاون موجود ہے، جو اپ اسٹریم اور ڈاؤن اسٹریم دونوں سطحوں پر فائدہ مند ہو سکتا ہے۔ انہوں نے بتایا کہ قائم مقام صدر کے دورے کے دوران ہونے والی بات چیت میں اقتصادی شراکت داری کو دیگر شعبوں تک وسعت دینے پر بھی گفتگو ہوئی۔

انہوں نے کہا کہ وینزویلا ایک وسائل سے مالا مال ملک ہے، نہ صرف اہم معدنیات بلکہ سونا، ہیرا اور دیگر مواد بھی وہاں موجود ہیں، اس لیے کان کنی کے شعبے میں بھی تعاون کے امکانات پر بات ہوئی ہے، اور یہ آئندہ فالو اپ سرگرمیوں کا حصہ ہوگا۔ڈیلسی ایلوینا روڈریگز گومیز پانچ روزہ دورے پر ہندوستان آئی ہوئی ہیں۔

ہندوستان توانائی اور سرمایہ کاری کے شعبوں میں وینزویلا کا ایک اہم شراکت دار رہا ہے۔ ہندوستانی سرکاری اداروں) نے توانائی کے شعبے میں وینزویلا میں نمایاں سرمایہ کاری کی ہے اور دونوں ممالک باہمی تعاون کو مزید وسعت دینے کے خواہاں ہیں۔