پانامہ / آواز دی و ائس

ہندوستان اور پانامہ  نے اپنے دو طرفہ تعلقات کے ایک نئے مرحلے میں قدم رکھا ہے، جس کے تحت 20 ارکان پر مشتمل ایک بین‌الپارلیمانی دوستی گروپ قائم کیا گیا ہے۔ پانامہ  میں ہندوستان کے سفارت خانے نے بدھ کے روز اس بات کا اعلان کیا۔ ایکس پر ایک پوسٹ میں سفارت خانے نے بتایا کہ سفیر سُمت سیٹھ نے کمیشن برائے خارجہ تعلقات کی صدر والکیریا چینڈلر اور ہندوستان-پانامہ بین‌الپارلیمانی دوستی گروپ کے صدر جورج بلویس کے ہمراہ پانامہ کی نیشنل اسمبلی میں حلف برداری کی تقریب میں شرکت کی۔

سفارت خانے نے اپنی پوسٹ میں لکھا کہ نیا باب: 20 رکنی بین‌الپارلیمانی دوستی گروپ کا قیام۔ ہندوستان اور پانامہ کے درمیان دوطرفہ تعلقات کے ایک نئے دور کا آغاز، جس میں پانامہ کی قومی اسمبلی (پارلیمنٹ) کے 20 ارکان کو نئے قائم کردہ بین‌الپارلیمانی دوستی گروپ کا حصہ بنایا گیا۔ سفیر ڈاکٹر سُمت سیٹھ نے کمیشن برائے خارجہ تعلقات کی صدر والکیریا چینڈلر اور ہندوستان-پانامہ بین‌الپارلیمانی دوستی گروپ کے صدر جورج بلویس کے ہمراہ نیشنل اسمبلی کے احاطے میں منعقدہ حلف برداری کی تقریب میں شرکت کی۔

اس سال ستمبر میں، اقوامِ متحدہ کی جنرل اسمبلی کے اجلاس کے موقع پر، پانامہ کے صدر خوسے راؤل مولینو نے اے این آئی سے ایک خصوصی گفتگو میں ہندوستان-پانامہ تعلقات کی اہمیت پر زور دیا، ہندوستان کو ایک اسٹریٹجک شراکت دار قرار دیتے ہوئے دونوں ممالک کے درمیان بڑھتے ہوئے تعاون کے امکانات پر روشنی ڈالی۔

مولینو نے کہا کہ ہندوستان پانامہ کے لیے ایک نہایت اہم ملک ہے۔ اس وقت ہندوستان اور پانامہ کے تعلقات ایک بہترین مقام پر ہیں۔ ہندوستان ہمارے لیے ایک اسٹریٹجک ملک ہے، اور ہم ٹیکنالوجی، طب، پیداوار اور دیگر شعبوں میں ہندوستان کی سرمایہ کاری بڑھانے کے امکانات کے حوالے سے معلومات کا تبادلہ کر رہے ہیں۔

وزارتِ خارجہ کے ایک سابقہ بیان میں اس بات کا ذکر کیا گیا تھا کہ ہندوستان اور پانامہ کے تعلقات وسطی امریکہ کے خطے میں سب سے قدیم ہیں، جن کی بنیاد انیسویں صدی کے وسط میں اُس وقت پڑی جب ہندوستانی مزدور پانامہ ریلوے کی تعمیر کے لیے یہاں آئے، اور بعد ازاں بیسویں صدی کے اوائل میں پانامہ نہر کی تعمیر میں بھی شامل ہوئے۔ پانامہ اور ہندوستان نے ہمیشہ باہمی احترام، گہرے اعتماد، بڑھتی ہوئی تجارت اور جامع تعاون پر مبنی گرمجوش اور دوستانہ تعلقات کا لطف اٹھایا ہے۔