ریاض
سعودی انجینئرز کونسل کا کہنا ہے کہ خواتین انجینئرز میں سال رواں کے دوران20 فیصد اضافہ ہوا ہے۔
عرب ذرائع ابلاغ کے مطابق سعودی انجینئرز کونسل کے ترجمان نے میڈیا کو بتایا کہ سعودی انجینئرخواتین میں الیکٹرانک انجینئر، پروگرامنگ، سول انجینئر، کمپیوٹر اور بائیو انجینئرز شامل ہیں۔
انہوں نے بتایا کہ کونسل میں رجسٹرڈ سعودی خواتین انجینئرز کی مجموعی تعداد 4304 تک پہنچ گئی، ان میں سے 729 نے 2021 کے دوران اندراج کرایاہے۔
انہوں نے مزید بتایا کہ 2020 کے دوران انجینئرز کونسل میں رجسٹرڈ انجینئرز کی تعداد 3575 تھی، اس وقت سعودی خواتین کی تعداد 2633 سے زیادہ نہیں تھی.
۔2020 کے دوران 900 نے اندراج کرایا، بیشتر کا تعلق سول انجینئرنگ سے تھا، ان کی تعداد 858 ریکارڈ کی گئی۔انجینئرز کونسل میں خواتین و مرد انجینئرز کی مجموعی تعداد 18646 ہے۔ (ایجننسی ان پٹ )