واشنگٹن ڈی سی [امریکہ]، 6 ستمبر -اے این آئی: امریکہ کے صدر ڈونلڈ ٹرمپ نے بھارت-امریکہ تعلقات کو ’’انتہائی خصوصی‘‘ قرار دیتے ہوئے اس بات کی توثیق کی کہ وہ اور وزیر اعظم نریندر مودی ہمیشہ دوست رہیں گے اور اس میں ’’فکر کی کوئی بات نہیں‘‘۔تاہم، انہوں نے موجودہ وقت میں ’’ پی ایم مودی  جو کچھ کر رہے ہیں‘‘ اس پر اپنی ناراضگی کا اظہار بھی کیا۔اے این آئی کے سوال پر کہ ’’کیا آپ اس وقت بھارت کے ساتھ تعلقات کو دوبارہ بحال کرنے کے لیے تیار ہیں؟‘

ٹرمپ نے اے این آئی کے سوال کے جواب میں کہا کہ  ۔۔۔ میں ہمیشہ رہوں گا۔ میں ہمیشہ (وزیر اعظم) مودی کا دوست رہوں گا۔ وہ ایک عظیم وزیر اعظم ہیں۔ میں ہمیشہ دوست رہوں گا، لیکن مجھے یہ پسند نہیں کہ وہ اس وقت کیا کر رہے ہیں۔ لیکن بھارت اور امریکہ کے درمیان ایک خصوصی تعلق ہے۔ اس میں فکر کی کوئی بات نہیں۔ بس کبھی کبھار ایسے لمحات آتے ہیں۔تجارت سے متعلق سوال پر کہ بھارت اور دیگر ممالک کے ساتھ جن کے ساتھ امریکہ ابھی معاہدے تک نہیں پہنچا، پیش رفت کیسی ہے، ٹرمپ نے کہا کہ معاہدے ’’اچھی طرح‘‘ چل رہے ہیں۔ تاہم، انہوں نے یورپی یونین کی جانب سے گوگل پر لگائے گئے حالیہ جرمانے پر ناراضی ظاہر کی۔

ٹرمپ نے کہا کہ یہ سب بہت اچھا چل رہا ہے۔ دوسرے ممالک کے ساتھ بھی سب اچھا ہے۔ ہم سب کے ساتھ اچھے چل رہے ہیں۔ لیکن ہم یورپی یونین سے ناراض ہیں کہ وہ صرف گوگل ہی نہیں بلکہ ہماری بڑی کمپنیوں کے ساتھ کیا کر رہی ہے۔

یاد رہے کہ ٹرمپ نے ’’ٹروتھ سوشل‘‘ پر اپنی ایک سلسلہ وار پوسٹس میں یورپی یونین کی جانب سے امریکی ٹیکنالوجی کمپنی گوگل پر 3.5 ارب ڈالر کا بھاری جرمانہunfair قرار دیا تھا اور کہا تھا کہ ان کی انتظامیہ ’’امتیازی کارروائی‘‘ کو برداشت نہیں کرے گی۔ یورپی کمیشن (ای سی) نے جمعہ کو گوگل کو آن لائن ایڈورٹائزنگ ٹیکنالوجی (ایڈٹیک) سیکٹر میں غیر مسابقتی سرگرمیوں کے باعث جرمانہ کیا تھا۔

اس سے پہلے میڈیا سے گفتگو کے دوران صدر ٹرمپ نے ’’ٹروتھ سوشل‘‘ پر اپنی اس پوسٹ پر بھی وضاحت دی جس میں انہوں نے کہا تھا کہ امریکہ نے ’’بھارت اور روس کو چین کے حوالے کھو دیا ہے‘‘۔

ٹرمپ نے اے این آئی کے سوال کے جواب میں کہا کہ میں نہیں سمجھتا کہ ایسا ہوا ہے۔ مجھے بہت مایوسی ہے کہ بھارت اتنا زیادہ تیل روس سے خرید رہا ہے۔ میں نے انہیں یہ بات بتائی بھی۔ ہم نے بھارت پر ایک بڑا ٹیرف لگایا — 50 فیصد، بہت زیادہ ٹیرف۔ آپ جانتے ہیں کہ میری (وزیر اعظم) مودی کے ساتھ بہت اچھی بنتی ہے۔ وہ چند ماہ پہلے یہاں آئے تھے، ہم نے روز گارڈن میں ایک مشترکہ پریس کانفرنس بھی کی تھی۔ان کے بھارت-امریکہ تعلقات پر مثبت بیانات اس وقت سامنے آئے ہیں جب اس سے کچھ پہلے ہی انہوں نے اپنی سوشل میڈیا پوسٹ میں لکھا تھا کہ امریکہ نے ’’روس اور بھارت کو گہرے، تاریک چین‘‘ کے حوالے کھو دیا ہے۔

ٹرمپ نے اپنی پوسٹ میں لکھا تھا کہ لگتا ہے ہم نے بھارت اور روس کو گہرے، تاریک چین کے حوالے کھو دیا ہے۔ کاش وہ دونوں ایک طویل اور خوشحال مستقبل گزاریں۔دوسری جانب، بھارت کی وزارت خارجہ(MEA) کے ترجمان رندھیر جیسوال نے جمعہ کو ہفتہ وار بریفنگ میں کہا کہ نئی دہلی امریکہ کے ساتھ تعلقات کو نہایت اہم سمجھتا ہے۔

انہوں نے کہا کہ یہ تعلق ہمارے لیے انتہائی اہم ہے۔ دونوں ملکوں کے درمیان جامع عالمی اسٹریٹیجک شراکت داری ہے جو ہمارے مشترکہ مفادات، جمہوری اقدار اور مضبوط عوامی روابط پر مبنی ہے۔مزید کہا کہ یہ شراکت داری کئی تبدیلیوں اور چیلنجز کے باوجود مضبوط رہی ہے۔ ہم اپنے دونوں ملکوں کے اسsubstantive ایجنڈے پر مرکوز ہیں جس پر ہم نے عزم کیا ہے، اور ہمیں امید ہے کہ یہ تعلق باہمی احترام اور مشترکہ مفادات کی بنیاد پر آگے بڑھتا رہے گا۔انہوں نے یہ بھی کہا کہ بھارت ’’امریکہ کے ساتھ تجارتی مسائل پر بات چیت جاری رکھے ہوئے ہے‘‘۔