اسلام آباد/ آواز دی وائس 

نیشنل سینٹر فار سیسمولوجی کے مطابق جمعہ کے روز پاکستان میں 3.7 شدت کا زلزلہ آیا،این سی ایس زلزلہ زمین کی محض 10 کلومیٹر گہرائی میں آیا، جس کی وجہ سے آفٹر شاکس (بعد کے جھٹکوں) کا امکان زیادہ ہے۔سوشل میڈیا پلیٹ فارم ایکس پر این سی ایس نے بتایا کہ شدت: 3.7، تاریخ: 24/10/2025، وقت: 10:14:26، عرض بلد: 36.64 شمال، طول بلد: 72.77 مشرق، گہرائی: 10 کلومیٹر، مقام: پاکستان۔

اس سے قبل 22 اکتوبر کو بھی اسی خطے میں زلزلہ آیا تھا۔

ایک اور پوسٹ میں این سی ایس نے بتایا کہ شدت: 3.7، تاریخ: 22/10/2025، وقت: 22:06:54 (آئی ایس ٹی )، عرض بلد: 36.71 شمال، طول بلد: 72.90 مشرق، گہرائی: 10 کلومیٹر، مقام: پاکستان۔عمومی طور پر سطحی زلزلے گہرے زلزلوں کے مقابلے میں زیادہ خطرناک ہوتے ہیں، کیونکہ ان کے ارتعاشی لہروں کو زمین کی سطح تک پہنچنے میں کم فاصلہ طے کرنا پڑتا ہے۔ اس وجہ سے جھٹکے زیادہ شدید محسوس ہوتے ہیں اور عمارتوں کو نقصان پہنچنے یا جانی نقصان کے امکانات بڑھ جاتے ہیں۔

افغانستان، پاکستان اور شمالی ہندوستان دنیا کے اُن خطوں میں شامل ہیں جہاں زلزلے اکثر آتے ہیں۔ یہاں ہندوستانی اور یوریشیائی ٹیکٹونک پلیٹیں آپس میں ملتی ہیں، جس کے باعث خطہ مسلسل زلزلہ خیز سرگرمیوں کا شکار رہتا ہے۔ اکثر زلزلے سرحد پار کے علاقوں میں بھی محسوس کیے جاتے ہیں کیونکہ فالٹ لائنز ایک دوسرے کے بہت قریب واقع ہیں۔

پاکستان دنیا کے ان ممالک میں سے ایک ہے جو زلزلوں کے لحاظ سے نہایت حساس ہیں۔ ملک کی سرزمین کئی بڑی فالٹ لائنز سے گزرتی ہے، جو اسے شدید زلزلوں کے خطرے میں مبتلا کرتی ہیں۔

بلوچستان، خیبر پختونخوا اور گلگت بلتستان جیسے صوبے یوریشیائی پلیٹ کے جنوبی کنارے پر واقع ہیں، جب کہ سندھ اور پنجاب ہندوستانی پلیٹ کے شمال مغربی حصے پر موجود ہیں، جس کی وجہ سے ان علاقوں میں زلزلہ خیزی عام ہے۔

بلوچستان عربی اور یوریشیائی پلیٹوں کی فعال سرحد کے قریب واقع ہے، جس کے باعث یہاں زلزلوں کا خطرہ سب سے زیادہ رہتا ہے۔ اسی طرح پنجاب، جو ہندوستانی پلیٹ کے شمال مغربی کنارے پر ہے، بھی زلزلوں سے متاثر ہونے والا علاقہ ہے۔ اگرچہ سندھ میں خطرہ نسبتاً کم ہے، لیکن اس کی جغرافیائی پوزیشن کے باعث یہ بھی زلزلہ خیز سرگرمیوں سے مکمل طور پر محفوظ نہیں۔