دھرم شالہ (ہماچل پردیش) چین کے 76ویں قومی دن کے موقع پر، ظلم و ستم سے بچ نکلنے والے افراد، بین الاقوامی انسانی حقوق کے کارکنان، امریکی قانون ساز اور کارکنان امریکی کیپٹل میں ایک بڑی کانفرنس میں اکٹھا ہوئے۔ اس کانفرنس کا عنوان تھا: "ایمان محاصرہ میں: چین میں مذہبی جبر اور ظلم کا سامنا"۔ اس اجتماع نے چینی کمیونسٹ پارٹی(CCP) کی جانب سے مذہبی اور عقیدے پر مبنی برادریوں پر بڑھتے ہوئے کریک ڈاؤن کو اجاگر کیا، جیسا کہ فیول (Phayul) نے رپورٹ کیا۔

فیول کے مطابق، سابقہ تبتی سیاسی قیدی نامکی اس پروگرام کی سب سے طاقتور آوازوں میں سے ایک تھیں۔ انہوں نے 2015 میں نگابا کاؤنٹی میں اپنی بہن تینزین ڈولما کے ساتھ احتجاج کو یاد کیا اور ان کی گرفتاری اور تشدد کی داستان سنائی۔ انہوں نے حاضرین کو بتایا:ہمیں تنہائی میں قید، فوجی مشقوں، سیاسی برین واشنگ، جبری مشقت، ناقص خوراک اور علاج معالجے سے محرومی کا سامنا کرنا پڑا۔"انہوں نے احتجاج کی تصاویر بھی دکھائیں۔ ان کی گواہی نے واضح کیا کہ چین حکام کس قدر ظالمانہ طریقے استعمال کرتے ہیں تاکہ تبت میں اختلاف رائے کو دبایا جا سکے۔

یہ کانفرنس امریکی کیپٹل وزیٹر سینٹر کے کانگریشنل آڈیٹوریم و ایٹریئم میں منعقد ہوئی، جس کا اہتمام کئی نمایاں وکالتی اداروں نے مشترکہ طور پر کیا تھا۔ ان میں شامل ہیں: انٹرنیشنل ریپبلکن انسٹی ٹیوٹ(IRI)، انٹرنیشنل کمپین فار تبت(ICT)، سینٹر فار ایغور اسٹڈیز، کمیٹی فار فریڈم اِن ہانگ کانگ فاؤنڈیشن، ایغور امریکن ایسوسی ایشن، انٹرنیشنل ریلیجس فریڈم سمٹ، آفس آف تبت، اور لوک الائنس۔ اس اجتماع میں ایغور، تبتی، ہانگ کانگ، عیسائی اور فالون گونگ برادریوں کے 27 مقررین شریک ہوئے، اور اسے چین کے جبر کے شکار افراد کو اکٹھا کرنے والا اب تک کا سب سے جامع پلیٹ فارم قرار دیا گیا۔

ڈینیئل ٹوائننگ، صدرIRI نے زور دیا کہ مذہبی آزادی تمام انسانی حقوق کی اساس ہے۔ انہوں نے کہا:
"مذہبی آزادی اتنی مرکزی کیوں ہے؟ کیونکہ یہ ان تمام دیگر حقوق کو ایک دوسرے سے جوڑتی ہے جنہیں ہم عزیز رکھتے ہیں۔"

ڈیمن ولسن، صدر نیشنل انڈاؤمنٹ فار ڈیموکریسی، نے بھی یہی موقف اپنایا اور کہا کہ چین کی جانب سے عقیدے کی برادریوں کو دبانا عالمی تشویش کا معاملہ ہے۔

سابقہ اسٹوڈنٹس فار فری تبت کیمپیئنز ڈائریکٹر چیمی لہامو نے کہا کہ اس طرح کے پلیٹ فارم چین کی پروپیگنڈا مشین کو چیلنج کرتے ہیں۔ انہوں نے دنیا بھر کے عام شہریوں پر زور دیا کہ وہ ایسی قانون سازی کی حمایت کریں جو سی سی پی کے بیانیے کا مقابلہ کرے، جیسا کہ فیول نے نمایاں کیا۔

دیگر تبتی رہنما جیسے تینزین گیاستو (ICT) اور بھچنگ تسیرنگ (تبت ایکشن انسٹی ٹیوٹ) کے ساتھ ساتھ ایغور، ہانگ کانگ، عیسائی اور فالون گونگ نمائندوں نے بھی اپنے تجربات بیان کیے، جن میں جبری مشقت، نگرانی، برین واشنگ اور قید شامل تھے۔ ان سب نے مل کر چین کی مذہبی آزادی پر جنگ کی وسعت کو اجاگر کیا،