بیت المقدس : مقبوضہ مشرقی بیت المقدس میں مسجد اقصیٰ کے اندر اسرائیلی فوج اور فلسطینیوں کے درمیان زبردست ٹکراو ہوا۔ اس دوران مسجد اقصی کے اندر ٹئیر گیس کا دھواں دیکھا گیا۔

اسلام کے تیسرے مقدس ترین مقام پر اسرائیلی فوجیوں اور فلسطینیوں کے درمیان پرتشدد جھڑپیں ہوئی ہیں۔ تشدد میں اضافہ مسلمانوں کے مقدس مہینے رمضان کے دوران اور یہودیوں کے پاس اوور کے تہوار کے آغاز سے پہلے ہوتا ہے، جو یروشلم کے پرانے شہر میں مقدس مقامات کے گرد تناؤ کو بڑھا دیتا ہے۔

مقامی میڈیا کے مطابق، اسرائیلی سکیورٹی اہلکاروں کی جانب سے مسجد کے صحنوں اور نماز گاہوں کے اندر ربڑ کی کوٹیڈ سٹیل کی گولیاں، آنسو گیس اور سٹن گرینیڈ فائر کیے جانے سے درجنوں افراد زخمی ہو گئے ہیں۔

 فلسطینی ہلال احمر نے بتایا کہ اب تک20 افراد کو مسجد سے نکال کر قریبی اسپتالوں میں منتقل کیا گیا ہے، جن میں سات افراد کے جسم کے اوپری حصے میں زخم ہیں۔ مزید لوگوں کو نکالا جا رہا ہے اور ان کا علاج کیا جا رہا ہے، کیونکہ اسرائیلی فورسز نمازیوں پر حملہ کر رہی ہیں۔دوسری جانب اسرائیلی پولیس نے ایک بیان میں کہا کہ صبح 4 بجے کے قریب درجنوں نوجوانوں نے فلسطینی لبریشن آرگنائزیشن اور غزہ کی حکمران حماس گروپ دونوں کے جھنڈے اٹھائے ہوئے علاقے میں مارچ کرنا شروع کیا۔

More videos from Al-Aqsa #المسجد_الأقصى pic.twitter.com/Wz3uwfTgaZ

— Muhammad Smiry 🇵🇸 (@MuhammadSmiry) April 15, 2022

ابھی تک یہ واضح نہیں ہے کہ اس تشدد کو کس چیز نے ہوا دی۔ مسجد کے انتظامات کرنے والے ادارے نے کہا ہے کہ اسرائیلی پولیس سورج طلوع ہونے سے قبل زبردستی مسجد میں داخل ہوئی۔ اس وقت ہزاروں افراد عبادت کے لیے مسجد میں موجود تھے

۔ انٹرنیٹ پر وائرل ویڈیوز میں فلسطینیوں کو پتھر پھینکتے ہوئے جبکہ اسرائیلی پولیس کو آنسو گیس کے شیل اور سٹن گرنیڈ کا استعمال کرتے دیکھا جا سکتا ہے۔ بعض ویڈیو میں عبادت گزار آنسو گیس کے دھوئیں سے بچنے کے لیے مسجد کے اندر پناہ کی تلاش میں بھاگتے نظر آتے ہیں۔ فلسطین کی ریڈ کریسٹ ایمرجنسی سروس نے

کہا ہے کہ انہوں نے 59 زخمی افراد کو ہسپتالوں میں پہنچایا ہے۔ مسجد کی انتظامیہ نے بتایا کہ ’مسجد کے ایک محافظ کی آنکھ میں ربڑ کی گولی ماری گئی ہے۔‘ اسرائیلی حکام کی جانب سے اس بارے میں فوری طور پر کوئی تبصرہ یا بیان سامنے نہیں آیا ہے۔

واضح رہے کہ مسجد اقصیٰ مسلمانوں کا تیسرا مقدس ترین مقام سمجھی جاتی ہے۔ ایک پہاڑی کی چوٹی پر تعمیر کی گئی یہ مسجد فلسطینیوں اور اسرائیل کے درمیان دہائیوں سے تنازعے کا باعث بنی ہوئی ہے۔ رمضان کے مہینے کی وجہ سے آج مسجد الاقصیٰ میں نماز جمعہ کی ادائیگی کے لیے دسیوں ہزار مسلمانوں کے جمع ہونے کی توقع کی جا رہی تھی۔

پولیس کے مطابق، مارچ کرنے والوں نے پتھراؤ اور آتش بازی کی، جبکہ مزید جھڑپوں کی تیاری کے لیے پتھروں اور دیگر اشیاء کو ذخیرہ کیا۔  پولیس نے کہا کہ وہ مظاہرین کو منتشر کرنے کے لیے مسجد اقصی کے احاطے میں داخل ہونے سے پہلے صبح کی نماز ختم ہونے کا انتظار کر رہے تھے،لیکن اس دوران کچھ مظاہرین نے ان میں سے کچھ نے نیچے کی مغربی دیوار پر پتھر پھینکے۔ فلسطینی ہلال احمر ہنگامی گروپ نے جھڑپوں میں 59 افراد کے زخمی ہونے کی اطلاع دی۔

Masked men hurl stones and set off fireworks, desecrating Al-Aqsa Mosque.

Contrary to FAKE reports, police forces DID NOT enter the mosque. pic.twitter.com/IaXnXbcDts

— Israel Foreign Ministry (@IsraelMFA) April 15, 2022

پچھلے سال، اسرائیلی فوجیوں اور مسجد اقصیٰ میں غیر قانونی آباد کاروں کے اسی طرح کے تشدد نے محصور غزہ پر 11 روزہ اسرائیلی حملے کا آغاز کیا تھا جس میں غزہ میں 250 سے زائد فلسطینی اور اسرائیل میں 13 افراد ہلاک ہوئے تھے۔

 اسرائیل نے 1967 کی عرب اسرائیل جنگ کے دوران مشرقی یروشلم پر قبضہ کر لیا تھا اور پورے شہر کو اس اقدام میں ضم کر لیا تھا جسے عالمی برادری نے کبھی تسلیم نہیں کیا۔

 تقریباً 700,000 یہودی آباد کار اب دونوں علاقوں میں رہتے ہیں، ایسی بستیوں میں جنہیں بین الاقوامی قانون کے تحت غیر قانونی سمجھا جاتا ہے۔