کابل

افغان صوبے ننگرہار میں مسلح افراد نے رات گئے مسجد میں تراویح کے دوران فائرنگ کرکے ایک ہی خاندان کے 8 افراد کوموت کے گھات اتاردیا۔

رپورٹس کے مطابق مقتول افراد کا تعلق ایک ہی خاندان سے ہے جن میں 5 سگے بھائی اور 3 کزن شامل ہیں جب کہ فائرنگ کا واقعہ ذاتی دشمنی کا شاخسانہ بتایاگیاہے۔

صوبائی گورنر ضیاالحق نے کہا کہ زمین کے تنازع پر ایک ہی خاندان کے 8 افراد کو فائرنگ کرکے قتل کیا گیا ہے ۔

ذرائع کے مطابق جلال آباد میں مسجد کے اندر نامعلوم مسلح افراد نے گھس کر اندھا دھند فائرنگ شروع کردی جس کے نتیجے میں 8افراد شہید ہوگئے، واقعہ کے بعد سیکیورٹی فورسز کی بڑی تعداد نے علاقے کو گھیرے میں لیکر سرچنگ شروع کردی ہے۔

ننگر ہار پولیس ترجمان فرید خان نے واقعے کے تصدیق کی ہے۔ (ایجنسی ان پٹ)