حیدرآباد : شیخ محمد یونس

جدوجہد اور اور محنت و جستجو کے ذریعہ ایک انسان کا کامیابی کے منزلیں  طئے کرنا یقینی ہے۔کھمم ضلع کی آئی پی ایس کےعہدہ پر فائز ایک مسلم خاتون اس کی ایک مثال بنی ہیں ۔ جس سے ضلع کے عوام میں خوشی و مسرت کی لہردوڑگئی ہے ۔

کھمم ضلع کے چنتاکانی منڈل کے کومٹلہ گوڈم گاؤں کے ساکن شیخ لعل بہادر ریٹائرڈ ایس آئی کی بڑی دختر شیخ سلیمہ جو 2007میں گروپ 1کے تحت سیلکٹ ہوکر گنٹور ضلع میں بحیثیت ڈی یس پی اپنی خدمات کا آغاز کیا۔کاغز نگر میں بھی بحیثیت ڈی یس پی خدمات انجام دیں۔ وہ سائبرآباد اڈیشنل یس پی کی حیثیت سے خدمات انجام دیرہی تھیں۔

مرکزی حکومت کی جانب سے آئی پی یس عہدہ داروں کی جو فہرست جاری ہوئی اس میں شیخ سلیمہ کا نام شامل کیا گیا۔

جو ابتک نان کیڈر آئی پی یس کی حیثیت سے خدمات انجام دیرہی تھی اب انھیں مستقل آئی پی یس کا عہدہ دے دیا گیا۔

واضح رہے کہ جہد مسلسل اور محنت کی وجہ سے ایک متوسط گھرانے سے تعلق رکھنے والی لڑکی جنکے والد شیخ لعل بہادر کھمم ضلع میں بحیثیت پولس کانسٹیبل سے 2012میں یس آئی کی حیثیت سے ریٹائرڈ ہوچکےہیں۔

شیخ لعل بہادور کو تین دختران اور لڑکا ہے۔ شیخ سلیمہ بڑی دختر ہیں۔ دیگر دو دختران بھی اعلیٰ عہد وں پر فائز ہیں۔

شیخ سلیمہ کی ابتدائی تعلیم ہائی اسکول تک کھمم کے پبلک اسکو ل اور سنچری اسکول میں مکمل ہوئی۔ انٹر میڈیٹ اور گریجویشن مکمل کرنے کے بعد شیخ سلیمہ نے ایم یس سی کی تعلیم حیدرآباد میں مکمل کی۔ 2007میں شیخ سلیمہ نے گروپ 1میں کامیابی حاصل کرتے ہوئے مختلف مقامات پر ڈی یس پی اور ایڈشنل یس پی کی حیثیت سے خدمات انجام دیں۔

واضح رہے کہ ریاست تلنگانہ میں یہ پہلی مسلم خاتون ہے جنہوں نے آئی پی یس عہدہ تک اپنی محنت اور کاوشوں کی ذریعہ ترقی کے منازل طئے کی ہیں۔ شیخ سلیمہ کے آئی پی یس کے عہدہ پر فائز ہونے پررشتہ داروں اور کھمم ضلع کے عوام میں خوشی و مسرت کی لہر دیکھی گئی جو کھمم ضلع کیلئے فخر کی بات ہے۔