نئی دہلی میں بجٹ پیش کرتے ہوئے انہوں نے کہا کہ وہ اسپورٹس گڈز مینوفیکچرنگ ریسرچ اور آلات کے ڈیزائن کے ساتھ میٹیریل سائنس میں اختراع کے لیے ایک مخصوص منصوبہ متعارف کرا رہی ہیں۔ ان کا کہنا تھا کہ بھارت میں یہ صلاحیت موجود ہے کہ وہ معیاری اور کم قیمت اسپورٹس سامان کا عالمی مرکز بن سکے۔

نرملا سیتارمن نے 200 پرانے صنعتی کلسٹرز کو بحال کرنے کے لیے ایک اسکیم لانے کی تجویز دی تاکہ بنیادی ڈھانچے اور ٹیکنالوجی کی بہتری کے ذریعے لاگت میں مسابقت اور کارکردگی میں اضافہ کیا جا سکے۔ وزیر خزانہ نے کہا کہ اسپورٹس شعبہ روزگار مہارت اور نوکریوں کے کئی مواقع فراہم کرتا ہے۔ انہوں نے کہا کہ کھیلو انڈیا پروگرام کے تحت شروع کی گئی صلاحیتوں کی منظم پرورش کو آگے بڑھاتے ہوئے وہ اگلے دس برسوں میں اسپورٹس سیکٹر کو بدلنے کے لیے کھیلو انڈیا مشن شروع کرنے کی تجویز دیتی ہیں۔

#UnionBudget2026 | Union FM Nirmala Sitharaman says, "The Sports Sector provides multiple means of employment, skilling and job opportunities. Taking forward the systematic nurturing of sports talent which is set in motion through the Khelo India programme, I propose to launch a… pic.twitter.com/CVNMRSQ0R4

— ANI (@ANI) February 1, 2026

ٹیکسٹائل کے محنت طلب شعبے کے لیے وزیر خزانہ نے ایک جامع پروگرام کی تجویز پیش کی۔ انہوں نے بتایا کہ پہلے ستون نیشنل فائبر اسکیم کا مقصد ریشم اون اور جوٹ جیسے قدرتی فائبرز کے ساتھ انسان ساختہ اور نئی صنعتی دور کے فائبرز میں خود کفالت حاصل کرنا ہے۔ دوسرے حصے ٹیکسٹائل ایکسپینشن اینڈ ایمپلائمنٹ اسکیم کے تحت روایتی کلسٹرز کو جدید بنانے کے لیے مشینری اور ٹیکنالوجی میں مدد دی جائے گی اور مشترکہ ٹیسٹنگ اور سرٹیفکیشن مراکز قائم کیے جائیں گے۔

تیسرا حصہ نیشنل ہینڈلوم اینڈ ہینڈی کرافٹ پروگرام ہے جس کا مقصد موجودہ اسکیموں کو مضبوط بنانا اور بنکروں اور کاریگروں کو ہدفی مدد فراہم کرنا ہے۔ سامرتھ 2۔0 کے ذریعے حکومت افرادی قوت کو مستقبل کی ضروریات سے ہم آہنگ کرنا چاہتی ہے۔ نرملا سیتارمن نے کہا کہ سامرتھ 2۔0 صنعت اور تعلیمی اداروں کے تعاون سے ٹیکسٹائل اسکلنگ نظام کو جدید بنانے اور بہتر کرنے کے لیے ہے تاکہ نئی نسل کے کارکن ٹیکنالوجی سے واقف اور ہنرمند ہوں۔

آخر میں وزیر خزانہ نے بڑے پیمانے کے بنیادی ڈھانچے پر زور دیا۔ انہوں نے کہا کہ ایک ہی جگہ پیداوار اور ویلیو ایڈیشن سے لاجسٹک لاگت کم ہوگی اور برآمدات میں اضافہ ہوگا۔ اس مقصد کے لیے انہوں نے میگا ٹیکسٹائل پارک قائم کرنے کی تجویز دی اور کہا کہ یہ تکنیکی ٹیکسٹائل میں ویلیو ایڈیشن پر بھی توجہ دیں گے۔ تکنیکی ٹیکسٹائل جو صحت اور آٹو موبائل سمیت کئی صنعتوں میں استعمال ہوتے ہیں بھارت کے عالمی کردار کو نئی سمت دے سکتے ہیں۔