آوازد ی وائس :: آئی پی ایل 2022 کے 30ویں میچ میں راجستھان نے کولکتہ کو 7 رنز سے شکست دے کر سنسنی خیز جیت درج کی۔ کے کے آر کو 218 رنز کا ہدف ملا تھا جس کے جواب میں ٹیم 210 رنز ہی بنا سکی اور میچ ہار گئی۔ کے کے آر کی طرف سے کپتان شریاس ایر (85) سب سے زیادہ اسکورر رہے۔ اسی وقت، یوزویندر چہل نے آر آر کے لیے 5 وکٹ لیے اور شاندار ہیٹ ٹرک بھی کی۔ 

کے کے آر اپنے آخری تین میچ ہار چکی ہے۔ آئی پی ایل 2022 میں شریاس کی ٹیم اب تک 7 میچ کھیل چکی ہے، 3 میں ٹیم نے کامیابی حاصل کی ہے۔ اس کے ساتھ ہی اسے 4 میچوں میں شکست کا منہ دیکھنا پڑا ہے۔ راجستھان کی ٹیم نے 6 میچوں میں 4 میچ جیتے ہیں۔ ساتھ ہی ٹیم کو دو میں شکست کا منہ دیکھنا پڑا۔ اس شکست کے بعد کے کے آر پوائنٹس ٹیبل میں چھٹے نمبر پر ہے جبکہ راجستھان کی ٹیم دوسرے نمبر پر پہنچ گئی ہے۔

 اس سے پہلے ٹاس ہارنے کے بعد بیٹنگ کرتے ہوئے آر آر نے 20 اوور میں 5 وکٹوں کے نقصان پر 217 رنز بنائے۔ جوس بٹلر نے سب سے زیادہ 103 رنز کی اننگز کھیلی۔ اس سیزن میں یہ ان کی دوسری سنچری تھی۔ کے کے آر کی جانب سے سنیل نارائن نے 2 وکٹیں حاصل کیں۔