لندن [برطانیہ]،:کامن ویلتھ گیمز ایسوسی ایشن آف انڈیا اور حکومت گجرات کی نمائندگی کرنے والے ایک بھارتی وفد نے لندن میں کامن ویلتھ اسپورٹ کو 2030 کامن ویلتھ گیمز کی میزبانی کے لیے اپنی باضابطہ تجویز جمع کروا دی۔یہ وفد گجرات کے وزیر کھیل ہرش سانگھوی کی قیادت میں پیش ہوا۔ یہ تجویز احمد آباد کو کامن ویلتھ گیمز کی صد سالہ ایڈیشن کی میزبانی کے لیے پیش کرتی ہے، جو کامن ویلتھ گیمز کے 100 سال مکمل ہونے کی علامت ہوگی۔یہ تجویز ہندوستانکی اس عزم کی عکاسی کرتی ہے کہ وہ ایک ایسے کھیلوں کے ایونٹ کی میزبانی کرے گا جو پائیدار، شمولیتی(inclusive) اور کامن ویلتھ کے "گیمز ری سیٹ" اصولوں سے ہم آہنگ ہو۔

تجویز جمع کراتے ہوئے ہرش سانگھوی نے کہا کہ 2030 کے کامن ویلتھ گیمز ہندوستاناور کامن ویلتھ دونوں کے لیے خاص اہمیت رکھتے ہیں۔ یہ ایونٹ کھیلوں کی ایک صدی، اتحاد، اور مشترکہ اقدار کا جشن ہوگا، اور صد سالہ ایڈیشن ایک یادگار موقع بنے گا۔

انہوں نے مزید کہا کہ ہندوستانکے گیمز قدیم اصول "وسودھیو کٹمبکم"— یعنی "دنیا ایک کنبہ ہے" — پر مبنی ہوں گے، جو اتحاد اور انسانی ربط کو فروغ دیتا ہے۔"اتیتھی دیوو بھو" یعنی "مہمان خدا ہوتا ہے" — ان تمام منصوبہ بندیوں کی رہنمائی کرے گا جو مختلف اسٹیک ہولڈرز کے لیے کی جائیں گی جو ہندوستانکا دورہ کریں گے۔

ڈاکٹر پی ٹی اوشا، صدر انڈین اولمپک ایسوسی ایشن اور کامن ویلتھ گیمز ایسوسی ایشن (انڈیا) نے کہا:"یہ بولی ایک پوری قوم کی امنگوں کی نمائندگی کرتی ہے۔ احمد آباد میں کامن ویلتھ گیمز نہ صرف ہندوستانکی کھیلوں کی صلاحیتوں کو دکھائیں گے بلکہ دوستی، احترام اور شمولیت کی وہ قدریں بھی اجاگر کریں گے جو ہماری کھیلوں کی ثقافت کا حصہ ہیں۔"

انہوں نے مزید کہا کہ جب ہم صد سالہ ایڈیشن کا جشن منائیں گے، تو ہندوستانکامن ویلتھ فیملی کا پرتپاک استقبال کرنے کے لیے تیار ہے، اور کھیل کے ذریعے نئی نسل کو خواب دیکھنے اور حاصل کرنے کی ترغیب دے گا۔احمد آباد میں گیمز کے لیے ایک جدید اور مربوط(compact) منصوبہپیش کیا گیا ہے، جو کھلاڑیوں، عہدیداروں، اور تماشائیوں کے لیے موثر، آسان رسائی والا اور بآسانی منظم تجربہ فراہم کرے گا۔عالمی معیار کے کھیلوں کے مقامات، مستحکم شہری ٹرانسپورٹ سسٹم، اور اعلیٰ معیار کی رہائش کی سہولیات کے ساتھ، شہر کو ایک بے مثال گیمز تجربے کے لیے موزوں قرار دیا گیا ہے۔

بولی جمع کرانے کی تاریخ 29 اگستخاص اہمیت رکھتی ہے کیونکہ یہ ہندوستانمیں قومی یومِ کھیل کے طور پر منایا جاتا ہے، جو ہاکی کے لیجنڈ میجر دھیان چند کی یاد میں منایا جاتا ہے۔ یہ ہندوستانکے کھیلوں کے ورثے، نوجوانوں سے وابستگی، اور آنے والی نسلوں کے لیے وژن کو اجاگر کرتا ہے۔یہ تجویز ہندوستانکی ابھرتی ہوئی حیثیت کو عالمی کھیلوں کے مرکز کے طور پر مزید تقویت دیتی ہے۔

2030 کے کامن ویلتھ گیمز کی میزبانی کا ہدف ہندوستانکے طویل مدتی خواب کا حصہ ہے کہ وہ ایک سرکردہ کھیلوں والی قوم بنے، جہاں میگا ایونٹس کھیلوں میں وسیع شرکت، انفراسٹرکچر کی ترقی، اور بین الاقوامی تعاون کے لیے محرک ثابت ہوں۔حکومت اور کامن ویلتھ گیمز ایسوسی ایشن آف انڈیا کی مضبوط حمایت کے ساتھ، یہ تجویز مضبوط گورننس، مکمل ضمانتیں، اور قومی کھیلوں کے اہداف سے ہم آہنگی فراہم کرتی ہے۔وفد نے اعتماد کا اظہار کیا کہ 2030 کے کامن ویلتھ گیمز ہندوستانمیں نہ صرف کامن ویلتھ گیمز کے 100 سال کا سنگ میل ثابت ہوں گےبلکہ یہ مستقبل کی بنیاد بھی رکھیں گے، جو آئندہ صدی میں کامن ویلتھ اسپورٹس موومنٹ کی سمت متعین کر سکتے ہیں۔