نیویارک پوسٹ کے مطابق سیئٹل اسٹیڈیم میں رومیلو لوکاکو کے اسٹاپیج ٹائم گول کے بعد انہوں نے اپنے ساتھی کھلاڑیوں کے ساتھ مل کر یہ مشہور ڈانس کیا۔ لوکاکو کے اس گول نے بیلجیم کی شاندار فتح پر مہر ثبت کرتے ہوئے ٹیم کو کوارٹر فائنل میں پہنچا دیا۔
بیلجیم کی جانب سے چارلس ڈی کیٹیلیرے نے دو گول کیے جبکہ ہانس فاناکن نے ایک گول اسکور کیا۔ لوکاکو نے اضافی وقت میں چوتھا گول کر کے مسلسل تیسرے ورلڈ کپ میچ میں گول کرنے کا اعزاز بھی حاصل کیا۔
دوسری جانب امریکہ کی مردوں کی قومی ٹیم نے ٹورنامنٹ سے باہر ہونے کے بعد اپنے مداحوں کا شکریہ ادا کیا۔ ٹیم نے سوشل میڈیا پلیٹ فارم ایکس پر جاری بیان میں کہا کہ شائقین نے اس پورے سفر میں ٹیم پر بھرپور اعتماد کیا اور ملک بھر میں فٹ بال کے فروغ میں اہم کردار ادا کیا۔
میچ میں بیلجیم نے ابتدا ہی سے برتری قائم رکھی۔ امریکہ نے ملک ٹل مین کے ڈیفلیکٹڈ فری کک کے ذریعے ایک موقع پر اسکور برابر کیا لیکن گول کیپر میٹ فریز کی ایک مہنگی غلطی نے بیلجیم کو دوبارہ برتری دلا دی۔ آخر میں لوکاکو نے چوتھا گول کر کے 4-1 کی فیصلہ کن فتح یقینی بنا دی۔
اس شکست کے ساتھ امریکہ کا ورلڈ کپ سفر ختم ہو گیا اور وہ کینیڈا اور میکسیکو کے بعد ٹورنامنٹ سے باہر ہونے والا تیسرا میزبان ملک بن گیا۔ اب بیلجیم 10 جولائی کو کوارٹر فائنل میں اسپین کا مقابلہ کرے گا جس نے پری کوارٹر فائنل میں پرتگال کو شکست دی تھی۔
