نئی دہلی :ڈورنڈ کپ 2025 میں اپنی فتح کے بعد، نارتھ ایسٹ یونائیٹڈ فٹبال کلب کے کھلاڑیوں نے بدھ کے روز راشٹرپتی بھون میں صدر جمہوریہ دروپدی مرمو سے ملاقات کی۔ اس ٹیم نے ایک شاندار ڈورنڈ کپ مہم کے بعد باوقار صدر کپ (President’s Cup) جیتا اور تاریخی ٹورنامنٹ میں اپنی شاندار کارکردگی پر اعزاز حاصل کیا۔تقریب کے دوران، صدر جمہوریہ نے رسمی طور پر صدر کپ کی ٹرافی ٹیم کے مالک جان ابراہم کو سونپی۔ ٹیم کے کپتان ریڈیم تْلنگ اور ٹیم کے دیگر اہم کھلاڑی بھی اس جشن میں شامل ہوئے۔فوج، بحریہ اور فضائیہ کے وائس چیفس، ڈورنڈ فٹبال ٹورنامنٹ سوسائٹی، ڈورنڈ کپ آرگنائزنگ کمیٹی کے نمائندگان، اور دیگر اعلیٰ عہدیداران بھی اس موقع پر موجود تھے۔

صدرِ جمہوریہ کے آفیشلX (سابقہ ٹوئٹر) ہینڈل نے اس ملاقات کی تصویر/تفصیل شیئر کی:

Members of the North East United Football Club, who won the President’s Cup of the Durand Cup Tournament, 2025, called on President Droupadi Murmu at Rashtrapati Bhavan.
The President handed over the President’s Cup trophy to Shri John Abraham, Owner of the North East United… pic.twitter.com/RsljR08jrZ

— President of India (@rashtrapatibhvn) August 27, 2025

  مرمو نے راشٹرپتی بھون میں منعقدہ تقریب کے دورانPresident’s Cup ، جو کہ چیمپیئنز کو دی جانے والی تین علامتی ٹرافیوں میں سے ایک ہے ، نارتھ ایسٹ یونائیٹڈ فٹبال کلب(NEUFC) کو پیش کیا۔یہ ٹرافی 1956 میں بھارت کے پہلے صدر ڈاکٹر راجندر پرساد کے ذریعے قائم کی گئی تھی، اور تب سے یہ اعلیٰ کارکردگی اور اعزاز کی علامت کے طور پر جانی جاتی ہے، جو اس ٹورنامنٹ کے ملک کی وراثت سے گہرے تعلق کو اجاگر کرتی ہے۔یہ تقریب نہ صرفNEUFC کی کامیابی کا جشن تھی بلکہ بھارتی مسلح افواج کی فٹبال کی پرورش اور قومی یکجہتی کو مضبوط بنانے کے کردار کو بھی اجاگر کرتی ہے۔

صدر جمہوریہ نے ٹرافی NEUFC کے مالک جان ابراہم، کپتان ریڈیم تْلنگ اور سی ای او مندر تمہانے کو پیش کی، اس موقع پر معزز مہمان، ڈورنڈ فٹبال ٹورنامنٹ سوسائٹی اور ڈورنڈ کپ آرگنائزنگ کمیٹی کے اراکین بھی موجود تھے۔

کلب کی جانب سے گفتگو کرتے ہوئے جان ابراہم نے صدر کا شکریہ ادا کیا کہ انہوں نے اس اعزاز کے ذریعے ٹیم کو سراہا، اور بھارتی مسلح افواج کی بھی تعریف کی جنہوں نے ڈورنڈ کپ کی وراثت کو برقرار رکھا ہے۔انہوں نے خاص طور پر ایسٹرن کمانڈ کو سراہا، جس نے اس ٹورنامنٹ کو نئی بلندیوں تک پہنچایا، اور مشرقی و شمال مشرقی بھارت میں فٹبال کے ٹیلنٹ کی پرورش کے لیے ان کی انتھک کوششوں کو سراہا، جو کہ بھارت میں فٹبال کے فروغ میں ایک اہم کردار ادا کر رہا ہے۔تقریب کا اختتام صدر جمہوریہ کی فاتح ٹیم کے ساتھ یادگاری گروپ فوٹو کے ساتھ ہوا۔