نئی دہلی : بی سی سی آئی، ٹیم انڈیا کے ہیڈ کوچ گوتم گمبھیر اور سابق کھلاڑی وی وی ایس لکشمن اور عرفان پٹھان نے پیر کے روز دیوالی کے موقع پر ملک کے عوام کو نیک خواہشات پیش کیں۔بی سی سی آئی نے اپنے سرکاری سوشل میڈیا پلیٹ فارم ایکس پر ایک پوسٹر شیئر کیا جس پر "ہیپی دیوالی" لکھا تھا اور ساتھ میں پیغام دیا کہ سب کو ایک چمکدار دیوالی کی مبارکباد۔گوتم گمبھیر نے ایکس پر لکھا کہ سب کو خوشیوں بھری اور خوشحال دیوالی کی نیک خواہشات۔ اس مقدس تہوار کی روشنی ہر اندھیرے کو مٹا دے۔سابق دائیں ہاتھ کے بلے باز وی وی ایس لکشمن نے بھی ایک پوسٹر اور دل سے لکھا ہوا پیغام شیئر کیا۔
انہوں نے لکھا کہ دیوالی کی الٰہی روشنی آپ کی زندگی کو امن، خوشحالی اور مسرت سے منور کرے۔ سب کو روشن اور خوبصورت دیوالی کی مبارکباد۔سابق آل راؤنڈر عرفان پٹھان نے بھی دیوالی کی گرمجوش مبارکباد دیتے ہوئے کہا کہ یہ دیوالی آپ کی زندگی کو سکون، خوشحالی اور بے پناہ خوشیوں سے بھر دے۔ سب کو بہت بہت ہیپی دیوالی۔
دیوالی پانچ دنوں پر مشتمل ایک تہوار ہے جو دھنتیرس سے شروع ہوتا ہے۔ دھنتیرس کے دن لوگ زیورات یا برتن خریدتے ہیں اور دیوتاؤں کی پوجا کرتے ہیں۔ دوسرا دن نرک چتردشی کہلاتا ہے جسے چھوٹی دیوالی بھی کہا جاتا ہے۔تیسرا دن دیوالی کا مرکزی دن ہوتا ہے۔ اس دن لوگ بھگوان گنیش اور دیوی لکشمی کی پوجا کرتے ہیں تاکہ ان پر دولت اور خوشحالی کی برکت ہو۔چوتھا دن گووردھن پوجا کے نام سے منایا جاتا ہے۔ پانچواں دن بھائی دوج کہلاتا ہے۔ اس دن بہنیں اپنے بھائیوں کی لمبی عمر اور خوشی کے لیے ٹیکا کرتی ہیں اور بھائی اپنی بہنوں کو تحفے دیتے ہیں۔
