ممبئی : بالی ووڈ اداکار اجے دیوگن نے اتوار کو سابق کرکٹ لیجنڈ سچن تندولکر کے ساتھ انڈین اسٹریٹ پریمیئر لیگ(ISPL) کی پریس میٹ میں شرکت کی۔تقریب سے خطاب کرتے ہوئے اجے دیوگن نے لیگ کا حصہ بننے پر خوشی کا اظہار کیا اور کہا کہ یہ ملک کے ٹیلنٹ کو ایک بہتر پلیٹ فارم فراہم کرے گی۔انہوں نے کہا:"میں یہاں آ کر اور اس خاندان کا حصہ بن کر بہت خوش ہوں۔ جب یہ ٹورنامنٹ شروع ہوا تو اس کا آئیڈیا مجھے بہت اچھا لگا۔ ہم سب بڑے ہوئے تو ہمارے وقت میں سوشل میڈیا نہیں تھا، ہم زیادہ تر آؤٹ ڈور ہوتے تھے۔ یہ کانسیپٹ بہت اچھا ہے اور اسی نے مجھے سب سے زیادہ متاثر کیا۔ ہمارے ملک میں ٹیلنٹ بہت وسیع ہے اور ٹائمنگ بہت اہم ہے۔گزشتہ اگست میں اجے دیوگن کو آئی ایس پی ایل کی نئی احمد آباد فرنچائز کا مالک قرار دیا گیا تھا۔

آئی ایس پی ایل، جو بھارت کی اولین ٹینس بال ٹی10 کرکٹ لیگ ہے، 2024 میں لانچ کی گئی تھی۔ یہ ایک مضبوط وژنری لیڈرشپ گروپ کی پشت پناہی میں ہے، جس میں بھارت رتن سچن تندولکر، کابینہ وزیر آشیش شیلار، سورج سمیٹ اور منال امول کالے شامل ہیں۔اجے دیوگن کرکٹ کے شوقین ہونے کے ساتھ ساتھ اسٹریٹجک انویسٹر بھی ہیں۔ وہ ٹینس، ایم ایم اے اور کرکٹ میں مختلف منصوبوں کی پشت پناہی کے لیے جانے جاتے ہیں۔ ان کی آئی ایس پی ایل سے وابستگی نئے فارمیٹس اور گراس روٹ کھیلوں کو فروغ دینے کے ان کے عزم کی عکاسی کرتی ہے۔

انہوں نے مزید کہا کہ کرکٹ ایسا کھیل ہے جو سب کو متحد کرتا ہے، اور آئی ایس پی ایل واقعی اس کھیل کی اصل اور حقیقی روح کو اجاگر کرتا ہے۔ احمد آباد نے ہمیشہ مجھے بے پناہ محبت اور سپورٹ دی ہے۔ جیسے سنیما، ویسے ہی کرکٹ یہاں ایک ثقافتی رجحان ہے، اور میں جانتا ہوں کہ یہاں بے پناہ ٹیلنٹ موجود ہے جو اپنی محنت اور ہنر دکھانے کا منتظر ہے۔ آئی ایس پی ایل میں اپنی ٹیم کے ذریعے مجھے امید ہے کہ ہم نئے ہیروز کو سامنے لائیں گے۔ کھیل میں زندگی بدلنے کی طاقت ہے اور میں سیزن 3 کے ایکشن کا شدت سے منتظر ہوں۔پریس ریلیز کے مطابق، اجے دیوگن کے علاوہ آئی ایس پی ایل کے آنے والے ایڈیشن میں اداکار سلمان خان بھی دہلی ٹیم کے مالک کے طور پر شامل ہوں گے۔