علی احمد

بلاشبہ محبت ایک فطری جذبہ ہے جو انسان اور معاشرے کی ترقی میں ایک کلیدی کردار ادا کرتا ہے۔ یہ شاید وہ واحد نعمت ہے جو انسان کو اس کے پیدا ہونے سے پہلے محسوس ہونا شروع ہوجاتی ہے اور اس کے مرنے کے بعد تک کلام الہی کی شکل میں ملتی رہتی ہے۔ دنیا میں ہر کوئی محبت کی اپنے انداز میں تعریف  بیان کرتا ہے- کسی کی نظر میں محبت نام ہے وفا کا، نبھانے کا، مان جانے کا، اطاعت کا، سر تسلیم خم کر دینے کا، سن لینے کا مگر  محبت کو جس انداز میں شاعروں نے اپنی شاعری میں بیان کیا ہے وہ دنیا کے لئے ہر دور میں توجہ کا مرکز اور باعث کشش رہا ہے

محبت یا عشق ایک ایسا موضوع ہے جسے آفاقی کہا جاتا ہے۔ یعنی، اس مضمون کو تمام زبانوں کے شعرا نے اپنے اپنے طور پر باندھا اور برتا ہے۔ اردو شاعری میں اس مضمون کا اتنا بڑا سرمایہ ہے کہ پوری کتاب لکھی جاسکتی ہے بلکہ فراق گورکھپوری نے تو ‘ارد وکی عشقیہ شاعری’ کے عنوان سے ایک کتاب تحریر بھی کی تھی، یہ الگ بات ہے کہ تمام گوشے نہیں آسکے تھے یا یوں کہہ لیں کہ اس کی نوعیت ہی کچھ اور تھی۔

خیر، بات غالب کی غزلوں میں عشق کے مضمون کی ہورہی ہے۔ اگر دیکھا جائے تو غالب کی پوری شاعری میں محبت اور عشق کا جذبہ اپنی مختلف صورتوں میں جلوہ گر نظر آتا ہے۔ کہیں شوخی اور کھلنڈرے پن سے کام لیتے ہوئے نظر آتے ہیں تو کہیں ان کی نفسیاتی الجھن انھیں کسی اور طرف لے جاتی ہے، کبھی وہ دوسرے عاشقوں پر طنز کرتے ہیں اور کبھی اپنے جذبۂ عشق اور دیوانگی کو بلند مقام عطا کرتے ہیں۔ کبھی وہ فرہاد تو کبھی قیس کو عشق کے مضمون کے درمیان لے آتے ہیں۔ چوں کہ یہ دونوں کردار ایسے ہیں جو اپنی دیوانگیٔ شوق اور اپنے جذبۂ عشق کی انتہا کے لیے مشہور ہیں

جیسا کہ مرزا غالب نے بھی فرمایا ہے "دل ناداں تجھے ہوا کیا ہے، آخر اس درد کی دوا کیا ہے"، تو حقیقت تو یہ ہے کہ دل کے امراض بیشتر ممالک میں اموات کی سب سے بڑی وجہ ہوتے ہیں، اور اس کے انتباہی علامات کو سمجھنا مسائل سے بچنے کے لیے بہت  ہوتا ہے۔