عاطر خان/ ایڈیٹر انچیف ۔ آواز دی وائس

جب میں نے ایک مسلمان دوست سے آر ایس ایس سربراہ موہن بھاگوت کے مسلمانوں کے بارے میں تازہ ترین بیان پر رد عمل ظاہر کرنے کو کہا۔ اس نے کہا کہ یہ ایک "ٹھنڈی ہوا کا جھونکا" کی طرح ہے- جب آپ کھڑکی کھولتے ہیں تو آپ کو ٹھنڈی ہوا کا جھونکا ملتا ہے۔وہی احساس ہوا ہے۔

ہم اس کے لئے 1950کی بلیک اینڈ وائٹ فلم ’نوجوان‘ کا مشہور ہندی گانا ہمیشہ "ٹھنڈی ہوائیں" یاد کر سکتے ہیں۔ یہ گانا لتا منگیشکر کی سریلی آواز کی تخلیق تھا،جس کو لیجنڈری ساحر لدھیانوینےلکھا تھااور ایس ڈی برمن کی ترتیب کردہ موسیقی کا اعلی نمونہ تھا۔بلاشبہ یہ بھی ہندوستانیوں کی ایک ساتھ عظیم کام کرنے کی تاریخ کا نمونہ ہے۔میرے خیال میں اس گانے کو سننے کی کوشش کریں- یہ تناو دور کرنے کا بہترین راستہ ہے۔

 ٹھنڈی ہوا کے جھونکے کی طرف واپس آتے ہیں جس کا ذکر ایک دوست کے سبب آگیا تھا- بھاگوت کے بیان سے واضح طور پر ایک بڑی کھڑکی کھل گئی ہے اور ایک عام اتفاق رائے یہ ہے کہ ہندوستانی مسلمانوں کو دوستی کے اس موقع کو حاصل کرنے کے لئے کوئی وقت نہیں کھونا چاہئے۔

 شاہ رخ خان کی ایک مقبول فلم کے گانے کے یہ بول اس طرح کی صورتحال کو مناسب انداز میں بیان کرتے ہیں۔ . ہر گھڑی بدل رہی ہے روپ زندگی... چھاوں ہے کبھی، کبھی ہے دھوپ زندگی... ہر پال یہاں جی بھر جیو ... جو ہے سماں کل ہو نہ ہو۔

 بھاگوت کا یہ بیان واقعی تاریخی اور ہندوستان میں ہندو مسلم تعلقات کے تناظر میں ایک گیم چینجر تھا۔

 ان سے پہلے ہی ویر ساورکر نے جو 1857ء کی بغاوت سے پہلے ہندو قوم پرست فلسفے میں پیش پیش تھے،کہا تھا ہندو اور مسلمان ایک ہی ماں کے بیٹے ہیں۔

 ان کی تقریر ہمارے آئین میں درج اقدار، ہندوستان کے تصور اور کثرتیت کی اقدار سے ہم آہنگ تھی جس پر ہم ہمیشہ یقین رکھتے ہیں۔ لیکن ان اقدار کا اعادہ کرنے سے ہندو اور مسلم معاشرے دونوں کے اندر شدید رد عمل پیدا ہوا۔ یہ بیان جرات مندانہ تھا

 یہ بیان آر ایس ایس سربراہ کے دل کی آواز ہے، جنہیں ایک دور اندیش اور ایک ایسا شخص ہونے کا اعزاز حاصل ہے جو اپنے ذہن کی بات کرنے صاف صاف کرنے میں شہرت رکھتا ہے۔

 یہ پہلا موقع نہیں ہے جب بھاگوت نے ہندو مسلم تعلقات پر تبصرہ کیا ہے لیکن اس بار جگہ اور اس وقت کی وجہ سے ان کی وسیع پیمانے پر تشہیر کی گئی اور اس پر بحث اور تبادلہ خیال کیا گیا۔

 یہ ایک مسلم پلیٹ فارم تھا،آر ایس ایس کے مسلم ونگ مسلم راشٹر منچ کی کتاب کی تقریب رونمائی کے موقع پر بھاگوت نے یہ بیان دیا تھا۔ چیف نے یہ بیان اچھی طرح جانتے ہوئے دیا کہ وہ اترپردیش اسمبلی انتخابات کی دہلیز پر خطاب کر رہے ہیں، جن کی ذات پات اور مذہبی بنیادوں پر پولرائزیشن کی تاریخ ہے۔ ہم سب یہ بھی جانتے ہیں کہ آر ایس ایس اور بی جے پی کتنی قریبی طور پر بندھی ہوئی ہیں۔

 ان کے الفاظ مصالحت پر مبنی تھے اور مسلمانوں میں عدم تحفظ کے تمام خدشات کودور کررہے تھے۔ مسلمانوں کے مساوی اسٹیک ہولڈرز ہونے کے بارے میں ان کے بیان نےبہت بحث پیدا کردی ہے۔ بدقسمتی سے مسلمانوں کے خلاف زیادتیوں کا تاثر مسلم کمیونٹی کے ذہنوں میں اس قدر گہرا پیوست ہو چکا ہے کہ ظاہر ہے کہ وہ اس سے نکل نہیں سکتے۔

 یہ سچ ہے کہ موب لنچنگ کے واقعات کا ایک سلسلہ، گزشتہ چھ سے سات سال کے دوران مسلم کمیونٹی میں خوف کی نفسیات پیدا کر چکا ہے۔ دلچسپ بات یہ ہے کہ ہندوؤں اور مسلمانوں کی ایک بڑی آبادی روزانہ دن کے وقت مل کر اپنی روزی روٹی کمانے کے لئے کام کرتی ہے، جب رات ہوتی ہے تو دونوں برادریاں اپنے خاندانوں کے پاس واپس جاتی ہیں۔ رات کے وقت مسلمان بستیوں میں اپنی چوپالوں میں واپس آکر اس بات پر تبادلہ خیال کرتے ہیں کہ ہندوستان میں ان پر کس طرح ظلم کیا جارہا ہے۔ یہ بحث جزوی طور پر حقائق اور جزوی طور پر ذرائع ابلاغ کے تاثر سے پیدا ہونے والی خرافات پر مبنی ہے۔ سوشل میڈیا پلیٹ فارمز بھی خرافات تخلیق کی جاتی ہیں۔اس طرح کے افسانے اکثر گرم بحث کا موضوع بن جاتے ہیں۔

 مسلمانوں کو نشانہ بنانے والے کچھ انتہائی پرتشدد واقعات ہندوستان کی حقیقت ہیں۔ اس طرح کے واقعات غیر ذمہ دارانہ سیاسی تبصروں کی وجہ سے شروع ہوئے اور حزب اختلاف کی سیاسی جماعتوں نے آگ میں مزید اضافہ کیا۔ یہ زیادتیاں سیاسی وجوہات کی بنا پر شروع کی گئیں اور یہ سیاسی تقسیم کی خاموشی کی وجہ سے مضبوط ہوئیں یا چلیں۔ اقتدار میں رہنے والوں کی طرف سے دیر سے رد عمل سامنے آیا۔

 تشدد کا ایک سبب شہری ترمیمی ایکٹ کے خلاف احتجاج بھی بنا۔ اس تشدد سے کسی کو فائدہ نہیں ہوا لیکن داغ دونوں جانب لگا۔ یہاں تک کہ جس دن آر ایس ایس سربراہ نے ہندو مسلم اتحاد کے بارے میں بات کی اس دن بھی کچھ غنڈے مسلمانوں کے خلاف بے سوچے سمجھے بیانات دے کر ملک کے امیج کو مزید خراب کرنے کی کوشش کر رہے تھے۔ ان میں سے کچھ غریب مسلمان ہاکروں کو ہراساں کرتے رہتے رہے جو پھل اور سبزیاں فروخت کرنے سے روزی کماتے ہیں۔

 یہ کچھ غنڈوں کا کام ہے، یقینا پوری ہندو برادری کا نہیں، جس نے ہندوستانی مسلمانوں کی قابل رحم تصویر بنائی ہے۔ وہ سماجی دشمن ہندوستان کے بارے میں تاثر پیدا کرنے کے ذمہ دار رہے ہیں- ایک ایسا ملک جہاں مسلمان محفوظ نہیں ہیں۔

 لوگوں کو مشہور ہندوستانی ہندی فلم مدر انڈیا یاد ہوگی، جس کی ہدایتکاری محبوب خان نے 1957 میں کی تھی۔ مشہور اداکار نرگس کا کردار ایک غریب خاتون کا کردار تھا۔ مدر انڈیا ایک ملک کے طور پر ہندوستان کی علامت تھی۔ فلم میں ان کے دو بیٹے تھے جو ایک ہندو اور ایک مسلمان کی نمائندگی کرتے ہیں۔

 فلم میں اتنی اچھی اداکاری کرنے والے کنہیا لال نے بیوہ کا استحصال کرنے والے ایک چالاک ساہو کار کا کردار ادا کیا تھا ۔ وہ ایک ولن تھا. ایسے لوگ جو ہندو اور مسلم دونوں برادریوں کے تشدد کا ارتکاب کرتے ہیں، ہمیں ان کے کردار اور چالاک ساہوکار ولن کے درمیان مماثلت کی یاد دلاتے ہیں، جنہوں نے مدر انڈیا اور اس کے دو معصوم بچوں کو مسلسل ہراساں کیا۔

 بھاگوت کی طرف سے یہ کہنا ایک بڑی پہل ہےکہ جو لوگ کہتے ہیں کہ مسلمانوں کو ہندوستان چھوڑ دینا چاہئے وہ ہندو نہیں ہیں۔ ہندوستان میں اسلام کو کوئی خطرہ نہیں ہے۔ جماعت اسلامی اور جماعت علماء ہند جیسی متعدد بااثر مسلم تنظیموں نے موہن بھاگوت کا بیان واقعی پسند کیا۔ لیکن وہ رد عمل میں محتاط رہے ہیں۔ یہ ایک اور کہانی ہے جس کا مسلم تنظیموں کو بھی خود جائزہ لینے کی ضرورت ہے۔

مسلم تنظیموں کا مخمصہ یہ ہے کہ وہ چاہے کتنا ہی رد عمل ظاہر کریں، وہ چن چن کر اس بیان پر رد عمل ظاہر نہیں کر سکتے، اگر وہ ایسا کرتے ہیں تو ان کی برادری انہیں مسلمانوں کی حالت زار سے غافل تصور کرے گی۔ خاص طور پر مبینہ موب لنچنگ کے متاثرین جن میں سے زیادہ تر مبینہ گائے کے گوشت کے اسمگلر تھے۔ ان میں سے کچھ معاملات میں مقدمے بھی شروع نہیں ہوئے ہیں۔ یہ ستم ظریفی ہے کہ مسلمان موب لنچنگ میں ملوث افراد کو سزا دلا کر ان لوگوں کے لئے انصاف کے خواہاں ہیں جن پر مبینہ طور پر گائے کے گوشت کے اسمگلر ہونے کا الزام ہے۔ جبکہ مؤخر الذکر جنہوں نے مبینہ طور پر گائے کی حفاظت کرنے والے انسانوں کو قتل کیا ہے وہ اپنے کاموں کا جواز پیش کرتے ہیں۔ یہ دونوں غیر قانونی سرگرمیوں میں ملوث افراد کے لئے تحفظ چاہتے ہیں۔ لیکن وہ توقع کرتے ہیں کہ ان کے جذبات کا احترام کیا جانا چاہئے۔

وزیر اعظم نریندر مودی نے موب لنچنگ کے واقعات کی مذمت کی ہے، انہوں نے حال ہی میں مسلم معاشرے میں واضح طور پر خصوصی مفادات لئے ہیں۔ مرکزی وزیر داخلہ امیت شاہ یقینی طور پر امن و امان کا اچھا ریکارڈ رکھنا چاہیں گے۔ قومی سلامتی کے مشیر اجیت ڈوبھال نے مسلم مذہبی رہنماؤں سے رابطہ کیا ہے، یہاں تک کہ ان سے ان کی رہائش گاہ پر بھی ملاقات کی ہے۔ آر ایس ایس سربراہ موہن بھاگوت ہندو مسلم اتحاد کی بات کر رہے ہیں۔ ملک کے چار طاقتور ترین افراد دونوں برادریوں کے درمیان صحت مند تعلقات کے خواہش مند ہیں۔ پیغام بالکل واضح ہے کسی دیواری پیغام کی مانند۔ صاف صاف اور بڑے بڑے لفظوں میں لکھا ہوا ۔ 

جب تک ہندو اور مسلمان دونوں ماضی کو دفن نہیں کرتے، اس سمت میں آگے کی تحریک ممکن نہیں ہے۔ ایسا کرنے کے لئے اس سے بہتر وقت نہیں ہوسکتا۔ آر ایس ایس سربراہ نے کہا کہ بات چیت ہندو مسلم تنازعہ کا واحد حل ہے۔ صاف ظاہر ہے کہ وہ یہ کہہ کر مسلمانوں کو دعوت دے رہے ہیں۔ مسلم تنظیموں کو بھی بات چیت کی ضرورت کا احساس ہے۔ انہیں اس موقع کو حاصل کرنا چاہئے۔ تاہم افسوسناک بات یہ ہے کہ انہیں ایک ہی میز پر اکٹھا کرنے کے لئے کوئی پلیٹ فارم یا ورکنگ میکانزم نہیں ہے۔

 یہ سچ ہے کہ اعتماد کے خسارے کو دور کرنے کے لئے اب زمین پر اعتماد سازی کے کچھ اقدامات کی ضرورت ہوگی۔ مسلمانوں میں خوف اور عدم اعتماد کا احساس کم ہونے میں کچھ وقت لگ سکتا ہے۔ بھاگوت کی رسائی کو موثر بنانے کے لئے اس سمت میں خاطر خواہ کام کرنے کی ضرورت ہے۔ امید ہے کہ اب ان تمام غنڈوں پر لگام لگ جائے گی جو غیر قانونی کارروائیوں میں ملوث رہے ہیں۔ مسلم مخالف بیانیہ کو ان میں اعتماد کی بحالی کے لئے ختم ہونا چاہئے۔ یہ بھی سچ ہے کہ مسلمانوں کو ان خدشات اور احساسات سے باہر آنے میں کچھ وقت لگے گا۔بھاگوت نے جو کچھ کہا ہے اس کو حقیقت بنانے کے لئے ہمیں اس سمت بہت کچھ کرنا ہوگا۔

 مسلم مخالف بیانیہ کو ان کا اعتماد واپس حاصل کرنے کے لئے ختم ہونا چاہئے۔ مسلمانوں پر زیادتیوں کے معاملات کو فوری طور پر منطقی انجام تک پہنچایا جانا چاہئے۔ ایسے معاملات میں جہاں مسلمانوں نے گائے ذبح کی تھی انہیں قانون کے مطابق سزا دی جانی چاہئے۔ اسی طرح موب لنچنگ کے ذمہ داروں کو بھی ذمہ دار ٹھہرایا جانا چاہئے۔

 مزید برآں دونوں فرقوں کو ایک دوسرے کی شناخت کا احترام کرنے کی ضرورت ہے۔ انہیں یہ شرائط پر آنا چاہئے کہ وہ ایک جیسے نہیں ہیں پھر بھی وہ قوم پرست ہیں۔ میڈیا، پولیس، انتظامیہ اور نچلی عدلیہ کو تعلقات کے بارے میں انتہائی حساس ہونا پڑے گا ۔

 بالادستی ہندوستان کی فلاح و بہبود کا باعث نہیں بنے گی۔ وہ سپر پاور بننے کا راستہ طے نہیں کر سکتی لیکن کثرتیت یقینا ہوگی۔ ہندوستانیوں کی شناخت ان کے مذہب سے نہیں بلکہ شہری قوم پرستوں کے طور پر کی جانی چاہئے۔

 اور بھی غم ہیں زمانے میں نفرت کے سوا... اگر ہندوستانی اس طرح سوچنا شروع کر دیں تو ٹھنڈی ہوا کا جھونکا ہمیشہ کے لئے نسیم سحرمیں تبدیل ہو سکتا ہے۔